Stjórn STÍ hefur boðað fund með fulltrúum aðildarfélaganna sem hafa Benchrest á dagskrá hjá sér. Fundurinn verður haldinn laugardaginn 21.október n.k. í Íþróttamiðstöðinni í Laugardal. Bréf hefur verið sent félögunum þar sem nánar er fjallað um dagskrá og tímasetningar. Hverju félagi gefst kostur á að senda tvo fulltrúa hverju á þennan fund.
Á aðalfundi alþjóðasamtakanna WBSF, World Benchrest Shooting Federation, sem haldinn var í Frakklandi í lok september var Jóhannes Frank Jóhannesson kjörinn ritari samtakanna. Jói er vel að þessu kominn og óskum við honum velfarnaðar í störfum sínum fyrir okkar hönd.
Alþjóða lyfjastofnunin hefur gefið út nýjar upplýsingar um lyf í íþróttum sem íþróttafólki ber að kynna sér. Slóðin að þessum upplýsingum er þessi.
Jóhannes Frank Jóhannesson keppti á Heimsmeistaramóti WBSF í Bench Rest riffli sem haldið var á Ólympíuvellinum í Frakklandi. Hann náði þar frábærum árangri og hafnaði að lokum í 12.sæti í samanlögðu en keppendur voru 145 talsins frá 19 þjóðum. Nánari upplýsingar um mótið má finna á heimasíðu Franska Skotíþróttasambandsins. Hér koma svo nokkrar tækniupplýsingar : [...]
Jóhannes Frank varð í 15.sæti í 100 metra HV á HM í dag, en keppednur voru 146 talsins. Nánar hérna.
Heimsmeistaramótið í Bench Rest fer nú fram í Frakklandi á 100, 200 og 300 metra færi. Ísland á einn keppanda þar, Jóhannes Frank Jóhannesson. Í dag var skotið a 100 metra færi í LV flokki, og gerði Jóhannes sér lítið fyrir og náði 7. sæti en keppendur eru alls 148 talsins. Nánari úrslit má sjá [...]
Jóhannes Frank Jóhannesson úr SK varð Íslandsmeistari í riffilgreininni Bench Rest Skori sem haldið var á Húsavík 2.-3.september 2023. Hann endaði með 490/20x stig, annar varð Finnur Steingrímsson úr SA með 488/15 stig og í þriðja sæti hafnaði Arnar Oddsson úr SA með 486/17x stig. Keppt var á tveimur færum 100 og 200 metrum, og [...]
Keppni er nú lokið á EM í Króatíu. Hákon Þ. Svavarsson endaði með 113 stig (22-22-21-23-25) í 63.sæti og Jakob Þ. Leifsson með 111 stig (23-21-22-23-22) í 66.sæti. Keppendur voru alls 74.
Evrópumeistaramótið í Skeet stendur nú yfir í Osijek í Króatíu. Við eigum þar tvo keppendur, Hákon Þ. Svavarsson og Jakob Þ. Leifsson. Þeir hófu keppni í dag, laugardag, og er skorið hjá þeim eftir fyrri daginn Hákon 22-22-21 og Jakob 23-21-22. Þeir skjóta svo tvo hringi á morgun. Hægt er að fylgjast með skorinu hérna.
Við hvetjum öll aðildarfélög STÍ til að taka þátt í þessu verkefni hjá ÍSÍ: "Haustfjarnám 1. 2. og 3. stigs ÍSÍ hefst mánudaginn 25. sept. nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar [...]
