Heimsmeistaramótinu í haglabyssu er nú lokið. Mótið fór fram í Lonato á Ítalíu. Íslenska liðið hafnaði í 26.sæti af 32 liðum með 331 stig í SKEET. Í einstaklingskeppninni varð Sigurður Unnar Hauksson í 53.sæti með 117 stig (24-21-22-25-25), Hákon Þór Svavarsson í 91.sæti með 112 stig (21-25-21-23-22) og Guðlaugur Bragi Magnússon í 119.sæti með 102 [...]
Heimsmeistaramótið í haglabyssu fer fram í Lonato á Ítalíu þessa dagana. Við eigum þar 3 keppendur í SKEET, Hákon Þór Svavarsson, Sigurð Unnar Hauksson og Guðlaug Braga Magnússon. Þeir keppa í dag og á morgun. Hægt er að sjá gang mála á heimasíðu keppninnar hérna
Þann 26. júní hófst keppni í leirdúfuskotfimi (skeet) og var Hákon Þór Svavarsson meðal keppenda. Fyrirkomulagið er þannig að fyrri daginn eru skotnar 75 leirdúfur eða þrisvar 25 dúfur og seinni daginn eru skotnar 50 dúfur, eða tvisvar 25. Hákoni gekk ágætlega fyrri daginn og skaut 67 (22-22-23) og var í 25. sæti af 29 [...]
Ásgeir Sigurgeirsson var að ljúka keppni í loftskammbyssu á Evrópuleikunum í Minsk í Hvíta Rússlandi. Hann var langt frá sínu besta og hafnaði hann í 32.sæti af 36 keppendum með 565 stig. Nánari úrslit eru hérna.
Um helgina tóku nokkrir Íslendingar þátt í KFK-OPEN í skeet í Kaupmannahöfn. Má sjá skor og röðun keppenda á þessari slóð. Þeir sem tóku þátt í mótinu voru Pétur T. Gunnarsson, Þorgeir M. Þorgeirsson, Jakob Þ. Leifsson, Marinó Eggertsson, Daníel Stefánsson, Aðalsteinn Svavarsson, Dagný H. Hinriksdóttir, Helga Jóhannsdóttir og Þórey I. Helgadóttir.
Riffilskytturnar Guðmundur Helgi Christensen, Þorsteinn B. Bjarnarson og Þórir Kristinsson kepptu um helgina á opna Masters mótinu sem haldið er árlega í Árósum í Danmörku. Nánar um úrslit mótsins má finna hérna.
Undankeppninni í loftskammbyssu karla er lokið og komust báðir íslensku keppendurnir í 8 manna úrslit. Ásgeir Sigurgeirsson annar með 576 stig og Ívar Ragnarsson þriðji með 561 stig. Úrslitin eru kl. 11:30 að íslenskum tíma. Keppni í kvennaflokki er hafin en Jórunn Harðardóttir keppir þar. Hún endaði í 9.sæti með 539 stig og komst ekki [...]
Sigurður Unnar Hauksson var að ljúka keppni á heimsbikarmótinu í S-Kóreu þar sem hann hafnaði í 79.sæti af 84 keppendum. Hann átti slæmt start en tókst að ná áttum í lokin og endaði með 108 stig (22-19-22-22-23). Nánari úrslit eru svo á þessari slóð.
Ásgeir Sigurgeirsson endaði í 35.sæti af 97 keppendum á heimsbikarmótinu í Peking í Kína í nótt. Hann náði 576 stigum (95-97-98-95-96-95) og 15 x-tíur.
Ásgeir Sigurgeirsson komst aftur í úrslit á Belgrad-mótinu, með 578 stig að þessu sinni, og hafnaði í 5.sæti í úrslitunum.