Fréttasíða STÍ

2.sep.2010 Skorlistinn í skeet er nú kominn hérna og sýnir þar skor skotmanna á keppnistímabilinu 2010.

1.sept.2010 Bikarmeistaramót STÍ í Skeet fer fram á velli Skotíþróttafélags Suðurlands í Þorlákshöfn um næstu helgi. Fyrir mótið eru þessir að berjast um Bikarmeistaratitilinn: Sigurþór Jóhannesson,SÍH með 45 stig, Örn Valdimarsson,SR með 44 stig, Hörður SIgurðsson,SÍH með 42 stig og svo eru jafnir með 39 stig Hákon þ.Svavarsson,SFS, Bergþór Pálsson,MAV,Guðmann Jónasson,MAV og Guðlaugur Þ.Bragason,SA. Athugið að það gleymdist að telja með eitt mótið í tölum þeim sem birtust í morgun en nú ætti allt að vera komið á sinn stað.

29.ágú.2010 Opna Reykjavíkurmótinu er nú lokið og sigraði Örn Valdimarsson úr SR í A-úrslitum og Þórður Kárason úr SÍH í B-úrslitum. Jafnframt var keppt um Reykjavíkurmeistaratitilinn og þar sigraði Örn einnig. Nánar á úrslitasíðunni og eins eru myndir frá mótinu hérna.

26.ágú.2010 Opna Reykjavíkurmótið í skeet verður haldið á völlum Skotfélags Reykjavíkur um helgina. Tímatafla mótsins er komin hérna.

15.ágú.2010 Bergþór Pálsson úr Skotfélaginu Markviss á Blönduósi varð í dag Íslandsmeistari í haglabyssu-skeet og skaut þar 114 skífur af 125. Í öðru sæti varð Sigurþór Jóhannesson úr Skotíþróttafélagi Hafnarfjarðar og í 3ja sæti varð svo Örn Valdimarsson úr Skotfélagi Reykjavíkur. Í unglingaflokki sigraði Sigurður U.Hauksson úr Skotfélagi Húsavíkur, í öðru sæti varð Pétur H. Friðriksson einnig frá Húsavík og í 3ja sæti varð Óskar R. Karlsson úr Skotfélagi Reykjavíkur. Í liðakeppninni sigraði sveit SÍH, í öðru sæti varð sveit SFS og í því 3ja sveit SR. Íslandsmeistarar voru einnig krýndir í öllum flokkum, í Meistaraflokki Sigurþór Jóhannesson úr SÍH, í 1.flokki Bergþór Pálsson úr MAV, í 2.flokki Hilmar Árnason úr SR, í 3.flokki Þórður Kárason úr SÍH, í 0.flokki Vignir J. Vignisson úr SR og í öldungaflokki Halldór Helgason úr SR. Nánari úrslit eru komin á úrslitasíðuna og svo er myndasyrpa að koma hérna.

14.ágú.2010 Fyrri degi Íslandsmótsins í skeet haglabyssu er nú lokið og er staðan hérna. Keppni í kvennaflokki lauk í dag og sigraði þar Inger Anna Ericson úr SÍH. Í öðru sæti varð Helena Ericson og í því 3ja Anný B. Guðmundsdóttir en allar eru þær úr Hafnarfirði.

12.ágú.2010 Íslandsmótið í haglabyssu skeet fer fram á völlum Skotfélags Reykjavíkur í Álfsnesi um helgina.

12.ágú.2010 Örn Valdimarsson skaut 114 leirdúfur í skeet, sem er gildandi lágmark (MQS) á Ólympíuleika. Sigurþór og Hákon skutu báðir 108 leirdúfur. Í sveitakeppninni höfnuðu þeir svo í 28.sæti af 32. Aðeins einn haglabyssumaður hefur náð Ólympíulágmarki áður en það var Sidney-farinn Alfreð Karl Alfreðsson. Nánar á heimasíðu ISSF.

9.ágú.2010 Okkar menn hefja keppni á HM í München kl.06:00 að okkar tíma. Sigurþór er í 1.riðli, Örn í 4.riðli og Hákon í 16.riðli, Skotnir eru 3 hringir í dag og svo 2 hringir á morgun. Hægt er að fylgjast með á heimasíðu ISSF hérna.

8.ágú.2010 Á landsmótinu í skeet sem haldið var í Hafnarfirði í dag, sigraði Akureyringurinn Guðlaugur Bragi Magnússon úr SA en í öðru sæti varð heimamaðurinn Hörður Sigurðsson úr SÍH. Nánari úrslit eru komin á úrslitasíðuna.

3.ágú.2010 Ásgeiri gekk vel í undanrásunum í loftskammbyssunni í morgun og endaði á 577 stigum. Skorið var 99-94-96-97-98 en endaði á 93. Hann er sem stendur í 20.sæti eftir fyrri riðilinn. Hann var á frábæru róli um tíma en átti slæma síðustu skífu á hans mælikvarða, 93, þar sem hann skaut m.a. tvær áttur. Hann er nú reynslunni ríkari og verður nú bara sterkari í framtíðinni með fína reynslu á bakinu.

3.ágú.2010 Landsmót í skeet verður haldið í Hafnarfirði um næstu helgi. Skráningu lýkur í dag og minnum við félög sem hyggjast senda keppendur á það að senda inn skráningu á sih@sih.is og sti@sti.is

31.júl.2010 Ásgeiri gekk illa í Frjálsu skammbyssunni í morgun og komst ekki í gegnum niðurskurðinn fyrir aðalkeppnina sem verður í fyrramálið. Hann keppir svo í Loftskammbyssunni á þriðjudaginn.

27.júl.2010 Heimsmeistaramótið í skotfimi hefst um næstu helgi í München í Þýskalandi. Ásgeir Sigurgeirsson keppir í tveimur greinum, Frjálsri skammbyssu á laugardaginn 31.júlí í undanrásum annaðhvort kl.08:00 eða 10:30, og ef allt gengur að óskum, í aðalkeppninni á sunnudaginn 1.ágúst kl.08:00. Á þriðjudaginn 3.ágúst keppir hann í Loftskammbyssunni kl.08:00 eða kl.10:15. Örn Valdimarsson, Sigurþór Jóhannesson og Hákon Þ.Svavarsson keppa svo í haglabyssu Skeet á mánudaginn 9.ágúst, þar sem skotnar verða 75 leirdúfur og hefst keppni þann daginn kl.08:00 og stendur til 18:30. Seinni 50 dúfurnar eru svo skotnar á þriðjudeginum 10.ágúst kl. 08:00 til 16:00 og svo hefjast úrslitin kl. 17:15. Athugið ofangeindir tímar eru að staðartíma sem er 2 klst á undan okkar tíma.

27.júl.2010 Aðalfundur ISSF hefst á morgun í München í Þýskalandi og stendur í tvo daga.

26.júl.2010 Fyrsta sérstaka kvennamótið á Íslandi í SKEET var haldið mánudaginn 26. júlí 2010. Þátttaka var mjög góð eða tíu konur. Keppt var í tveim flokkum A og B, þar sem A er Ólympískt SKEET en B er keppni sem SÍH hefur þróað sem byrjendakeppni. Skotnir voru tveir hringir í báðum flokkum. Í A flokki sigraði Anný Björk Guðmundsdóttir, Helena Ericson varð í öðru sæti og Brynja Ingólfsdóttir í því þriðja. Í B flokki varð Bára Gunnlaugsdóttir í fyrsta sæti, Guðlaug Sigurðardóttir í öðru sæti og Sigurjóna Björk í því þriðja. Aðrir keppendur voru Rebekka Stefánsdóttir, Inger Ericson, Guðbjörg Konráðsdóttir og Halldóra Matthíasdóttir. Mótstjóri var Ferdinand Hansen og yfirdómari Kristinn Rafnsson. Mótið tókst stórkostlega vel og nokkuð víst að slíkt mót mun verða haldið fljótlega aftur. Stjórn SÍH þakkar þátttakendum og aðstendum mótsins fyrir frábært framtak og telur að íþróttin hafi verið sett á hærra plan með þessu frábæra móti. Sjá myndir í myndaalbúmi á www.sih.is

24.júl.2010 Úrslit á Norðurlandsmeistaramótinu í skeet komin inná úrslitasíðuna. Norðurlandsmeistari 2010 varð Guðmann Jónasson úr MAV.

23.júl.2010 Einn þekktasti skotmaður allra tíma og einn þekktasti íþróttamaður Svía, Ragnar Skanåker, er nú staddur hér á landi. Hann verður hér við þjálfun Ásgeirs Sigurgeirssonar næstu daga. Hann hefur verið honum innan handar undanfarið ár og mun fylgja honum eftir næstu misseri. Ragnar er fæddur árið 1934 en er í fullu fjöri ennþá. Hann vann til að mynda sænska meistaramótið í loftskammbyssu á síðasta ári. Hann hefur 4 sinnum staðið á verðlaunapalli Ólympíuleika í Frjálsri skammbyssu, vann gullið 1972, tvö silfur 1984 og 1988, og svo bronsverðlaun árið 1992. Hann tók samtals þátt í 7 ólympíuleikum og var boðið sérstaklega af Alþjóða Ólympíunefndinni að taka þátt í Aþenuleikunum 2004 en sænska nefndin heimilaði honum það ekki sökum slaks árangurs það ár. Hann hefur einnig unnið Heimsmeistaratitla í Loftskammbyssu árið 1983 og í Staðlaðri skammbyssu 1978 á nýju heimsmeti, 583 stig, sem enn stendur sem Evrópumet. Þess má einnig geta að sænska metið hans í Frjalsri skammbyssu, 583 stig, er tveimur stigum hærra en gildandi heimsmet.

23.júl.2010 Norðurlandsmótið í skeet fer fram á Blönduósi á morgun. Nánar á heimasíðu MAV.

17.júl.2010 Landsmót í skeet var haldið á velli Skotfélagsins Markviss á Blönduósi um helgina. Sigurvegari varð Sigurþór Jóhannesson úr SÍH, annar varð Örn Valdimarsson úr SR og í því þriðja Bergþór Pálsson úr MAV. Úrsitin eru á úrslitasíðunni.

4.júl.2010 Mótinu í Hafnarfirði er nú lokið og sigraði Frank Best í A-úrslitum og Sigurður Á.Sigurðsson í B-úrslitum. Úrslitin eru komin á úrslitasíðuna og eins má sjá nánari umfjöllun og myndir á heimasíðu SÍH.

1.júl.2010 Ásgeir Sigurgeirsson er nú að keppa á heimsbikarmótinu í Belgrad í Serbíu. Hann lauk keppni í loftskammbyssu á mánudaginn með 573 stig en Íslandsmet hans er 586 stig sem hann setti í nóvember 2009, og hafnaði í 42.sæti af 82 keppendum, sem er alveg stórfínn árangur. Mótið er gríðarsterkt og eru þarna saman komnir allir bestu skotmenn í heimi. Í gær keppti hann í undankeppninni í frjálsri skammbyssu og komst hann í gegnum niðurskurðinn með glæsibrag á 546 stigum. Í aðalkeppninni sem var að ljúka endaði hann í 45.sæti af 73 sem komust í aðalkeppnina, með 546 stig einsog í undankeppninni og varð þar fremstur Norðurlandabúa. Þess má geta að Íslandsmet hans er 555 stig sem hann setti í Svíþjóð í fyrra. Frábær árangur hjá honum og verður spennandi að fylgjast með honum á heimsmeistaramótinu sem verður haldið í München í Þýskalandi í byrjun ágúst.

1.júl.2010 Um helgina fer fram alþjóðlegt haglabyssumót í Skeet á velli Skotíþróttafélags Hafnarfjarðar. Nánar á heimasíðu SÍH.

21.jún.2010 Sigurþór Jóhannesson úr SÍH sigraði á landsmótinu á Akureyri, í karlaflokki, Hákon Julhlin Þorsteinsson úr SÍH í unglingaflokki og Árný Guðrún Jónsdóttir í kvennaflokki. Úrslitin eru komin inná úrslitasíðuna.

19.jún.2010 Um helgina fer einnig fram landsmót í skeet á skotvelli Skotfélags Akureyrar.

19.jún.2010 Ásgeir Sigurgeirsson úr Skotfélagi Reykjavíkur sigraði á Bikarmótinu í Frjálsri skammbyssu sem haldið var á útisvæðinu á Álfsnesi í dag. Úrslitin eru komin á úrslitasíðuna.

5.jún.2010 Örn Valdimarsson úr SR sigraði á landsmótinu í dag. Úrslitin eru komin á úrslitasíðuna.

31.maí.2010 Að gefnu tilefni eru reglur um keppni í Unglingaflokkum aðgengilegar hérna.

30.maí.2010 Ásgeir eindaði í 36.sæti í fríbyssunni. Fínn árangur í þessum túr hjá honum.

25.maí.2010 Ásgeir hafnaði í 23.sæti í Loftskammbyssu á heimsbikarmótinu í USA með 573 stig. Þetta er fínn árangur hjá honum og verður spennandi að fylgjast með honum í Fríbyssunni um helgina. Hér má skoða skorin hjá honum og keppinautunum.

24.maí.2010 Ásgeir Sigurgeirsson keppir í loftskammbyssu á heimsbikarmótinu á morgun, þriðjudag, kl.13:00 að íslenskum tíma. Hægt er að fylgjast með honum á skorsíðu ISSF. Þar er einnig hægt að fylgjast með öðrum greinum mótsins. Úrslitin eru einnig sýnd beint á ISSF-TV og á eftir kl.19:30 verða úrslitin í loftskammbyssu kvenna sýnd beint hérna. Veljið LIVE TV hægra megin á skjánum.

22.maí.2010 Úrslit Landsmótsins í dag eru komin á úrslitasíðuna. Eins er fullt af myndum hérna. Hákon Þ.Svavarsson úr SFS sigraði í karlaflokki.

21.maí.2010 Á morgun heldur Ásgeir Sigurgeirsson utan til Bandaríkjanna til að taka þátt í heimsbikarmóti alþjóða skotsambandsins, ISSF. Á þriðjudaginn 25.maí keppir hann í loftskammbyssu og síðan í frjálsri skammbyssu laugardaginn 29.maí og sunnudaginn 30.maí. Heimasíða mótsins er hérna en þar verður hægt að fylgjast með framvindu mála.

19.maí.2010 Landsmót í Skeet verður haldið á velli Skotfélags Reykjavíkur á laugardaginn. Tímataflan er komin hérna.

10.maí.2010 Skotþing ákvað að taka inn nýjar skotgreinar á þinginu á laugardaginn og má segja að þetta sé tímamótaþing, því þar með er STÍ komið með nánast allar skotgreinar undir sinn hatt. Um var að ræða Silúettu með skammbyssum og rifflum, FELT-skotfimi með öllum stærðum skammbyssu, IPSC-Þrautaskotfimi með skammbyssum af flestum stærðum og svo FITASC-skotfimi með haglabyssum og rifflum. Þessar greinar verða nú skoðaðar hjá STÍ og kannaður starfsgrundvöllur þeirra. Sama stjórn situr áfram með Halldór Axelsson sem formann. Á þinginu sæmdi Friðrik Einarsson úr framkvæmdastjórn ÍSÍ, tvo félaga okkar heiðursmerkjum ÍSÍ. Ferdinand Hansen formaður SÍH, hlaut silfurmerki ÍSÍ og Steinar Einarsson, fyrrv.formaður STÍ og SFK, hlaut Gullmerki ÍSÍ. Þingið fór vel fram og menn almennt mjög ánægðir með niðurstöðuna. Myndir frá þinginu má sjá hérna og eins er þinggerðin komin hérna.

6.maí.2010 Minnum aðildarfélögin á Skotþingið sem haldið verður í Íþróttahúsinu að Jaðarsbökkum á Akranesi á laugardaginn kemur, 8.maí. Það hefst kl. 13:00.

1.maí.2010 Úrslit landsmótsins í skeet sem haldið var í Þorláksöfn í dag eru komin á úrslitasíðuna. Stjórn STÍ sendir einnig baráttukveðjur til Kristins Rafnssonar úr SÍH, sem var skráður til keppni á mótinu, en hann varð fyrir alvarlegum meiðslum í slysi á vinnustað sínum hjá Orkuveitu Reykjavíkur, með ósk um skjótan bata.

17.apr.2010 Úrslit landsmótsins í skeet eru komin á úrslitasíðuna.

17.apr.2010 Úrslit Íslandsmótsins í loftskammbyssu og loftriffli eru komin á úrslitasíðuna. Nánar á heimasíðu SR, www.sr.is

14.apr.2010 Úrslit mótanna um síðustu helgi í skammbyssugreinunum eru nú komin á úrslitasíðuna.

12.apr.2010 Íslandsmótin í loftbyssugreinunum verða haldin í Egilshöllinni í Reykjavík á laugardaginn. Skotfélag Reykjavíkur er mótshaldari. Mótagjald verður kr. 3,500 skv.upplýsingum frá félaginu.

12.apr.2010 Fyrsta skeet mót tímabilsins verður haldið í Hafnarfirði á laugardaginn kemur. Minnum félögin á að senda skráningar tímanlega svo mótshaldari hafi rúman tíma til undirbúnings.

12.apr.2010 Mótanefnd hefur fjallað um verðlagningu á skeet-mótum sumarsins og hefur komist að niðurstöðu um að leggja línurnar í þeim efnum. 75 dúfumótin verði með kr. 5,000 í mótagjald og 125 dúfumótin verði með kr. 7,000 í mótagjald. Viljum þó nefna að þetta er einungis til leiðbeiningar en félögin geta breytt þessu ef aðstæður leyfa. Einnig er rétt að minna á að Íslandsmótið verður með hærra mótagjaldi vegna fjölda verðlauna sem þar eru veitt.

9.apr.2010 Þar sem Íslandsmótin eru nú í fullum gangi er rétt að nefna að mótagjöld eru yfirleitt hærri á þeim en venjulegum mótum. Ástæðan er að á Íslandsmótum er þess krafist í reglunum að veitt séu verðlaun í öllum flokkum og til allra liða óháð fjölda. Ekki er ósennilegt að mótagjald á innigreinamótunum verði í kringum kr. 3,500 - 4,000

7.apr.2010 Á morgun kemur til landsins Peeter Pakk landsliðsþjálfarinn í Skeet. Hann verður með landslið okkar í stífri þjálfun framá sunnudag. Í landsliðshópnum eru þeir Örn valdimarsson, Sigurþór Jóhannesson, Hákon Þ.Svavarsson og Guðmann Jónasson. Peeter er í dag talinn einn besti þjálfarinn í bransanum. Hann er í föstu starfi hjá finnska skotsambandinu en gefur sér tíma til að sinna okkur þess í milli.

7.apr.2010 Um næstu helgi fara fram Íslandsmót í nokkrum skammbyssugreinum, Staðlaðri, Grófri og Sport. Mótin eru haldin hjá Skotfélagi Kópavogs í Digranesi. Nánar á síðu félagsins, www.skotkop.is

22.mar.2010 Þá er metasíðan komin í lag og uppfærð.

20.mar.2010 Ásgeir Sigurgeirsson úr Skotfélagi Reykjavíkur setti nýt Íslandsmet, 549 stig, í Frjálsri skammbyssu á Íslandsmótinu sem haldið var í Egilshöllinni í dag. Jórunn Harðardóttir einnig úr Skotfélagi Reykjavíkur , setti met í Frjálsri skammbyssu kvenna, 476 stig. Nánari úrslit á úrslitasíðunni og eins eru komnar myndir hérna.

13.mar.2010 Ásgeir Sigurgeirsson úr Skotfélagi Reykjavíkur lenti í 26.sæti á Evrópumeistaramótinu í loftskammbyssu í Meraker í Noregi í dag. Hann var að flakka á milli 15. til 30.sætis framan af en missti aðeins af lestinni í lokarhrinunni þar sem hann náði "aðeins" 93 stigum.

6.mar.2010 Bikarmótið í loftbyssugreinunum fer fram í dag í Kópavogi. Riðlaskipting er á heimasíðu Skotfélags Kópavogs, sem heldur mótið.

14.feb.2010 Úrslit mótsins í enskum riffli í dag eru komin á úrslitasíðuna. Nánar um mótið á heimasíðu SFK.

13.feb.2010 Úrslit mótsins í loftbyssugreinunum í dag eru komin á úrslitasíðuna. Nánar um mótið á heimasíðu SR.

12.feb.2010 Skotþing 2010 verður haldið í Íþróttamiðstöðinni að Jaðarsbökkum á AKRANESI laugardaginn 8.maí kl. 13:00

11.feb.2010 STI var að berast riðlaskiptingin á mótið á laugardaginn í loftskammbyssu og loftriffli, sem haldið verður í Egilshöllinni. Skjalið er hérna.

4.feb.2010 Fréttir af Ásgeiri eru á heimasíðu félags hans, www.sr.is

3.feb.2010 Hin árlega alþjóðlega loftbyssukeppni Intershoot í Haag, Hollandi er að hefjast á morgun. Ásgeir Sigurgeirsson loftskammbyssuskytta úr Skotfélagi Reykjavíkur er þar meðal keppenda og verður hægt að fylgjast með skorinu hans í beinni útsendingu hérna næstu þrjá dag, á morgun fimmtudag kl.11:30 og svo final kl.16:00, föstudag kl. 07:00 og final kl.13:45 og á laugardaginn kl.10:15 og finalinn kl.15:30. Vefmyndavélar eru einnig í keppnissalnum og má þar fylgjast með keppendum. Ofangreindir tímar eru íslenskir.

29.jan.2010 Tilkynnt var hjá ÍSÍ í dag að Ásgeir Sigurgeirsson skammbyssuskytta, hefði hlotið B-styrk sambandsins að upphæð kr. 960,000. Einnig hlaut STÍ styrk að upphæð kr. 270,000 til landsliðsverkefna. Þetta er ákaflega góðar fréttir fyrir STÍ og ekki síst Ásgeir en með þessu gefst honum enn frekari kostur til að sinna æfingum sínum og eins möguleikum á að sækja þau erlendu mót sem framundan eru.

29.jan.2010 Valið hefur verið í landslið karla í Skeet fyrir árið 2010 en þeir eru Guðmann Jónasson úr MAV, Hákon Þ Svavarsson úr SFS, Sigurþór Jóhannesson úr SÍH og Örn Valdimarsson úr SR. Gunnar Gunnarsson úr SFS gefur ekki kost á sér vegna anna. Örn Valdimarsson er fyrirliði og mun taka þátt í skipuleggja þjálfun.

21.jan.2010 Úrslit mótsins í Frjálsri skammbyssu í gærkvöldi eru hér. Ásgeir Sigurgeirsson úr Skotfélagi Reykjavíkur sigraði á 539 stigum. Myndir eru svo á myndasíðu SR hérna.

16.jan.2010 Hér má finna úrslit mótsins í dag og myndasyrpa er hérna. Ásgeir Sigurgeirsson sigraði í loftskammbyssu karla, Jórunn í loftskammbyssu kvenna, Guðmundur H.Christensen í loftriffli karla, A-lið Skotfélags Reykjavíkur í liðakeppninni, Skúli F.Sigurðsson í loftskammbyssu drengja og Steinunn Guðmundsdótir í loftskammbyssu stúlkna.

12.jan.2010 Skráningu á landsmótið í loftbyssugreinunum sem verður í Egilshöllinni á laugardaginn kemur, lýkur í kvöld.Mótshaldari er Skotfélag Reykjavíkur.

12.jan.2010 Verið er að vinna í að finna afrit af síðunni okkar, svo hægt verði að tengja hana að nýju við allar upplýsingarnar sem þar liggja. Við biðjumst velvirðingar á þessu meðan unnið er að viðgerð.

5.jan.2010 STÍ hefur tilnefnt Skotíþróttamenn Ársins 2009 þau Ásgeir Sigurgeirsson og Jórunni Harðardóttur úr Skotfélagi Reykjavíkur. Þeim verður veitt viðurkenning í hófi sem ÍSÍ og íþróttafréttamenn halda í kvöld.

5.jan.2010 Á laugardaginn verður haldið Landsmót í 60sk liggjandi riffli í Kópavogi. Nánar á www.skot.is Skráningu í mótið lýkur í kvöld.

21.des.2009 Framundan er mótahald á Gamlársdag hjá Skotfélagi Reykjavíkur í skeet og riffli, Skotfélagi Húsavíkur í skeet og jafnvel einhverjum fleirum.

21.des.2009 Enn eru allar tengingar í rugli á síðunni. Gengur erfiðlega að laga þetta og óvíst hvort tekst. Verð þá að fara í grunnuppsetningu að nýju sem gæti tekið einhverjar vikur eða mánuði.

2.des.2009 Breytingar hafa orðið á lyfjareglum og ættu allir skotmenn að sækja bréf sem var að berast frá ISSF og lesa vel yfir. Ef skotmenn hafa verið á undanþágu t.d.TUE, þá þurfa þeir að endurnýja þær STRAX ! Bréfið er hérna og yfirlýsingarblaðið hérna.

18.nóv.2009 Stjórn STÍ vill beina þeim tilmælum til aðildarfélaganna, að óska eftir því við keppnismenn sína, að notkun sérmerktra SKEET-landsliðsvesta sé ekki æskileg á mótum innanlands.

14.nóv.2009 Ásgeir Sigurgeirsson úr Skotfélagi Reykjavíkur bætti í dag Íslandsmet sitt í loftskammbyssu um heil 5 stig. Hann skaut 586 stig í aðalkeppninni og bætti svo um betur og skaut 99,4 í úrslitunum (final) og bætti því heildarmetið líka eða alls 685,4 stig. Með þessu er hann að stimpla sig inn í hóp bestu skotmanna Evrópu. Í öðru sæti varð Tómas Viderö úr Skotfélagi Kópavogs með 548+91,9=639,9 stig, en hann var að keppa á sínu öðru stóra móti og því um afar efnilegan skotmann að ræða þar, og í þriðja sæti varð hinn aldni Guðmundur Kr Gíslason úr Skotfélagi Reykjavíkur með 537+92,9=629,9 stig, eftir afar spennandi keppni við Guðmund Sigurðsson frá Skotfélagi Akraness sem endaði í 5.sæti með 627,3 stig og Finn Steingrímsson úr Skotfélagi Akureyrar, sem hafnaði í 4.sæti með 627,9 stig. Í loftskammbyssu kvenna sigraði Jórunn Harðardóttir á 355+99,3=454,3 stig, í öðru sæti varð Inga Birna Erlingsdóttir með 311+91,5=402,5 stig. Í þriðja sæti varð Jóhanna Gestsdóttir úr Skotfélagi Akraness.
Í loftriffli karla sigraði Guðmundur Helgi Christensen með 560 stig en í öðru sæti varð Sigfús Tryggvi Blumenstein með 517 stig. Í liðakeppninni sigraði A-sveit Skotfélags Reykjavíkur með 1,649 stig með þá Ásgeir Sigurgeirsson, Guðmund Kr.Gíslason og Gunnar Þ.Hallbergsson innanborðs. Í öðru sæti varð A-sveit Skotfélags Akraness með 1,557 stig en í sveitinni voru Jóns S.Ólason, Guðmundur Sigurðsson og Daníel Binkowski. Í þriðja sæti varð svo B-sveit Skotfélags Reykjavíkur með 1,538 stig en í þeirri sveit voru Jón Árni Þórisson, Karl Kristinsson og Guðmundur H. Christensen.
Myndir frá mótinu koma seinna í kvöld og eins eru úrslit mótsins komin hérna.

11.nóv.2009 Riðlaskipting landsmótsins á laugardaginn er komin hérna.

9.nóv.2009 Á laugardaginn verður fyrsta landsmótið í loftskammbyssu og loftriffli, á þessu keppnistímabili haldið í Egilshöllinni í Grafarvogi. Skráningu á mótið lýkur annað kvöld.

9.nóv.2009 Að ósk mótshaldara hefur STÍ flutt landsmótið í 60sk liggjandi riffli, sem halda átti n.k.sunnudag í Kópavogi, yfir á sunnudaginn 13.desember.

27.okt.2009 Skotíþróttafélagið Dreki í Fjarðabyggð hefur komið sér upp fínni aðstöðu. Hér má sjá myndir frá framkvæmdunum. Eins er hægt að skoða heimasíðu Dreka hérna.

27.okt.2009 Ný stjórn var kjörin á aðalfundi Skotfélags Kópavogs sem haldinn var á sunnudaginn. Nýr formaður var kjörinn Arnfinnur A. Jónsson. Aðrir í stjórn voru kjörnir Magnús E.Guðleifsson, Pálmi S.Skúlason, Sveinn G.Sveinsson og Valdimar Þ. Valdimarsson. Í varastjórn voru kjörnir Sigvaldi Jónsson og Jón Pétursson.

23.okt.2009 Á morgun hefjast World Cup úrslitin í kúlugreinum í Wuxi í Kína. Þar keppa 10 bestu í hverri grein. Í haglabyssunni hefjast úrslitin á fimmtudaginn en þau eru haldin í Peking.

14.okt.2009 Mótaskrá haglabyssu er komin út. Hún var líka send út til allra aðildarfélaga STÍ til umsagnar og er nú tilbúin.

30.sep.2009 Mótaskrá kúlugreina er komin út. Hún var send út til allra aðildarfélaga STÍ til umsagnar og hefur nú litið dagsins ljós án athugasemda.

23.sep.2009 Ábending hefur borist frá haglabyssunefnd ISSF um merkingar á húfum og vestum keppenda á alþjóðlegum ISSF mótum. Þar segir að framan á húfum má einungis vera a) merki þjóðar b) merki sambands c) merki ISSF d) merki mótshaldara ISSF. Ekkert annað er samþykkt og EKKI er leyfilegt að líma yfir merkingar. Eins er bent á merkingar á baki ytri klæðnaðar einsog vesti skal vera skammstöfun þjóða (ISL), seinna nafn og bókstafur fyrra nafns. Frá og með 1.janúar 2010 verður engum leyft að keppa nema þessar merkingar séu réttar.

23.sep.2009 Frá ISSF voru að berast þær fréttir að ekki verður úthlutað neinum kvótaplássum á næstu Ólympíuleika fyrr en á Heimsmeistaramótinu í öllum greinum sem haldið verður í München í byrjun ágúst. Þessi ákvörðun byggir á reglum Alþjóða Ólympíunefndarinnar sem segir að engum sætum verður úthlutað í neinni grein fyrr en tveimur árum fyrir opnunardag leikanna. Í beinu framhaldi ákváðu Indverjar að aflýsa heimsbikarmótinu sem halda átti í Nýjku Delí.

23.sep.2009 Lokastaðan í skeet eftir tímabilið er komin hérna.

12.sep.2009 Örn Valdimarsson úr SR sigraði á Bikarmótinu í skeet í dag á 114 stigum. Bikarmeistari eftir tímabilið varð hins vegar Sigurþór Jóhannesson úr SÍH en hann varð í öðru sæti á móti dagsins. Í þriðja sæti varð Guðmann Jónasson úr MAV. Bikarmeistari unglinga varð svo Hákon J. Þorsteinsson úr SÍH. 'urslit eru hérna.

10.sep.2009 Riðlaskiptingin á Bikarmótinu á laugardaginn er komin hérna.

8.sep.2009 Uppfærð staða í Skeet er nú komin og eins staðan til Bikarmeistara. Sjá stöðulistar

8.sep.2009 Skráningu á Bikarmót STÍ í Skeet, sem haldið verður á velli Skotfélags Reykjavíkur á Álfsnesi á laugardaginn kemur, lýkur í kvöld.

3.sep.2009 Mótanefnd er nú að vinna í mótaskrá vetrarins og vill af því tilefni hvetja aðildarfélögin til að senda inn umsóknir um að fá að halda viðurkennd mót, sem sett yrðu inná mótaskrá. Frestur til þess er gefinn til 11.september n.k.

30.ágú.2009 Nýtt Íslandsmet í haglabyssu-skeet var sett á Opna Reykjavíkurmótinu sem haldið var í dag á völlum Skotfélags Reykjavíkur í Álfsnesi. Sigurþór Jóhannesson undirstrikaði þar Íslandsmeistaratitil sinn og bætti metin bæði með og án final (úrslita), 119 stig af 125 og svo skaut hann 23 í úrslitum og því 142 stig alls. Úrslitin eru komin á úrslitasíðuna og eins eru komnar myndir á www.sr.is

26.ágú.2009 Í Morgunblaðinu í dag er viðtal við Íslandsmeistarann í skeet, Sigurþór Jóhannesson. Sjá hérna. Það er ekki á hverjum degi sem við náum umfjöllun um skotfimi inná síður stóru fréttamiðlana.

23.ágú.2009 Um næstu helgi fer fram Reykjavíkurmótið(Reykjavik Open) í skeet á völlum Skotfélags Reykjavíkur á Álfsnesi.

23.ágú.2009 Stöðulistinn í skeet er komin hérna uppfærður. Eins er staðan til Bikarmeistara komin hérna en bikarmótið verður haldið í Reykjavík 12.september n.k.

16.ágú.2009 Íslandsmeistari í Skeet í karlaflokki varð Sigurþór Jóhannesson úr Skotíþróttafélagi Hafnarfjarðar. Nánar um úrslit mótsins á úrslitasíðunni. Myndir frá mótinu koma hér innan skamms.

15.ágú.2009 Eftir fyrri daginn á Íslandsmótinu í skeet er Sigurþór Jóhannesson úr SÍH efstur með 71 stig, jafnir í 2.-3.sæti eru Bergþór Pálsson frá MAV og Gunnar Gunnarsson úr SFS með 67 stig. Staðan er nánar hérna.

13.ágú.2009 Riðlaskipting á Íslandsmótinu er komin hérna. Keppt er í 5 riðlum og skotnir 3 hringir á laugardaginn og svo 2 hringir á sunnudag. Úrslitin hefjast á sunnudeginum kl.15:30 en þá keppa 6 efstu menn um Íslandsmeistaratitilinn. Skotvöllur SFS er rétt fyrir utan Þorlákshöfn.

12.ágú.2009 Á Íslandsmótinu í skeet verður nú í fyrsta skipti keppt í Öldungaflokki. Er þar um að ræða þá sem verða 50 ára eða eldri á árinu. Flokkurinn Ö.fl. bætist, til að byrja með, við þá sem fyrir eru þ.e. M.fl, 1.2.3. og 0.flokk.

11.ágú.2009 Stöðulistinn í skeet er nú uppfærður og má sjá hann hérna

10.ágú.2009 Skráningu á Íslandsmótið í skeet lýkur á þriðjudagskvöldið. Skráningar sendist á STÍ og SFS.

7.ágú.2009 Íslandsmótið í haglabyssu skeet verður haldið á velli Skotíþróttafélags Suðurlands dagana 15.-16.ágúst 2009.

7.ágú.2009 Ný reglugerð um Íslandsmót er nú tilbúin og verður send aðildarfélögum á næstu dögum. Ljóst er því að Íslandsmót í skeet verður með óbreyttu fyrirkomulagi að þessu sinni. Stjórn STÍ samþykkti á fundi sínum í gær að kynna fyrir félögunum nýtt fyrirkomulag áður en því yrði ýtt úr vör enda hafa keppendur hagað æfingum sínum með óbreytt fyrirkomulag í huga. Rétt er einnig að árétta að Bikarmót í skeet verður því með óbreyttu fyrirkomulagi út þetta tímabil.

26.júl.2009 Ásgeir Sigurgeirsson úr Skotfélagi Reykjavíkur, var að setja nýtt ÍSLANDSMET í Frjálsri Skammbyssu á móti í Uppsölum í Svíþjóð í dag, með því að skjóta 555 stig af 600 mögulegum. Gamla metið var 554 stig sett af Ólafi Jakobssyni einnig í Uppsölum árið 1993. Þess má geta að Ólympíulágmarkið í þessari grein er 540 stig. Ásgeir sigraði á mótinu. Hann hefur nú keppt á fjórum mótum í Svíþjóð undanfarna daga og unnið þrjú en varð í öðru sæti á einu.

26.júl.2009 Á Keflavík Open í Skeet í gær sigraði Örn Valdimarsson. Nánari úrslit verða birt á úrslitasíðunni þegar þau berast.

24.júl.2009 Á ársþingi Evrópska Skotsambandsins sem haldið var í Króatíu fyrr í mánuðinum var kjörinn nýr formaður þess, rússinn Vladimir Lisin. Hann tekur við af Unni Nicolaysen frá Noregi.

24.júl.2009 Serge Balter frá Franska Skotsambandinu var hér á ferð um daginn og áttum við með honum fund um hugsanlega fleti á samstarfi milli landanna á skotsviðinu.

19.júl.2009 Gunnar Gunnarsson frá SFS sigraði á landsmótinu á Blönduósi. Hákon Þ.Svavarsson einnig úr SFS varð annar og Örn Valdimarsson úr SR varð þriðji. Í liðakeppninni varð B-sveit SFS í fyrsta sæti, sveit SR í öðru og MAV í þriðja sæti. Nánari tölur á úrslitasíðunni. Myndir frá mótinu eru hérna.

16.júl.2009 Kosinn var nýr forseti Skotsambands Evrópu á þingi sambandsins í Króatíu um síðustu helgi. Unni Nicolaysen lét af störfum en við tók rússinn Vladimir Lisin. Sjá nánar á ESC-síðunni.

16.júl.2009 Riðlaskipting á mótinu á Blönduósi er komin hérna.

13.júl.2009 Næsta Landsmót STÍ verður haldið á Blönduósi um næstu helgi. Skráningu lýkur á þriðjudagskvöldið. Rétt er að taka fram að mótið verður haldið á tveimur dögum, 75 dúfur á laugardaginn og 50 dúfur á sunnudaginn og svo úrslitafínall. Skotfélagið Markviss á Blönduósi heldur mótið.

11.júl.2009 Skotkeppninni á Landsmóti UMFÍ er lokið. Í dag var keppt í Loftskammbyssu þar sem Ásgeir Sigurgeirsson sigraði, Finnur Steingrímsson varð annar og Guðmundur Kr.Gíslason þriðji. Einnig lauk keppni í Skeet þar sem Sigurþór Jóhannesson sigraði, Hörður G.Sigurðsson varð annar og Jakob Þ.Leifsson þriðji. Úrslitin eru á úrslitasíðunni og myndir hérna. Í heildarstigakeppninni sigraði ÍBA en ÍBR varð í öðru sæti.

10.júl.2009 Keppni í Staðlaðri skammbyssu lauk í dag á Landsmóti UMFÍ. Úrslitin eru komin á úrslitasíðuna hérna. Karl Kristinsson frá ÍBR sigraði með 522 stig, Guðmundur Kr.Gíslason úr ÍBR varð annar á 488 stigum og í 3ja sæti hafnaði Höskuldur Þorbjarnarson frá UMSK á 462 stigum. Myndir frá keppninni koma hérna.

9.júl.2009 Fyrstu skotgreininni á Landsmóti UMFÍ á Akureyri er nú lokið. Úrslit eru komin á úrslitasíðuna. Elías F.Elvarsson frá HSÞ sigraði með 81 stig, Bragi Óskarsson frá ÍBA var einu stigi á eftir með 80 stig og svo Jóhann V. Ævarsson frá ÍBA með 79 stig. Myndir frá mótinu eru hérna.

7.júl.2009 Landsmót UMFÍ hefst á fimmtudaginn á Akureyri. Keppt er í 4 skotgreinum, skeet, sporting, loftskammbyssu og staðlaðri skammbyssu. Skotfélag Akureyrar sér um framkvæmd mótsins og er keppt samkvæmt reglum STÍ. Alls eru skráðir um 70 skotmenn til keppni. Nánar á heimasíðu UMFI

7.júl.2009 Landsmótinu í Skeet sem verður á Blönduósi 18.júlí hefur verið breytt í 125 dúfu mót.

6.júl.2009 Á SÍH-Open sem haldið var um helgina náðist ágætis árangur. Hákon Þ.Svavarsson sigraði í A-flokki en Gunnar Gunnarsson sigraði í B-flokki. Nánari úrslit á úrslitasíðunni. og eins eru frekari upplýsingar og myndir á síðu Skotíþróttafélags Hafnarfjarðar.

3.júl.2009 Riðlaskipting á SÍH-Open er komin hérna. Úrslitin eru á sunnudaginn, A-flokkur kl.15:00 og B-flokkur kl.15:45 en 6 efstu taka þátt í hvorum flokki fyrir sig.

30.jún.2009 Um næstu helgi fer fram SÍH-Open mótið í haglabyssu-Skeet í Hafnarfirði

27.jún.2009 Á landsmótinu í dag sigraði Gunnar Gunnarsson úr SFS, Hákon Þ.Svavarsson úr SFS varð annar og Örn Valdimarsson frá SR þriðji. Sveit Skotíþróttafélags Suðurlands sigraði í liðakeppninni, sveit Skotfélags Reykjavíkur varð í örður sæti og sveit Skotíþróttafélags Hafnarfjarðar varð í þriðja sæti. Úrslitin eru komin á úrslitasíðuna hérna og myndir frá mótinu eru í vinnslu og koma hérna innan skamms.

25.jún.2009 Tímatafla og riðlaskipting mótsins á laugardaginn er komin frá SR og er hérna.

24.jún.2009 Mótinu í 60sk liggjandi riffli sem halda átti á laugardaginn á Álfsnesi, hefur verið aflýst vegna lélegrar þátttöku. Landsmótið í Skeet verður afturá móti samkvæmt áætlun kl.10 á laugardaginn og hafa 30 keppendur verið skráðir til leiks.

24.jún.2009 Skráningu á Skeet mótið, sem haldið er hjá Skotfélagi Reykjavíkur á Álfsnesi, á laugardaginn er nú lokið og eru keppendur 30 talsins.

24.jún.2009 Nýr stöðulisti í Skeet er kominn út. Skoðið hérna.

20.jún.2009 Á landsmótinu sem haldið var á Álfsnesi í dag í Frjálsri Skammbyssu sigraði Ásgeir Sigurgeirsson úr SR með 546 stig, sem er besta skor sem náðst hefur hérlendis í greininni. Annar varð Guðmundur Kr Gíslason einnig úr SR og Hannes G.Haraldson frá SFK varð þriðji. Úrslitin eru hérna.

17.jún.2009 Landsmót STÍ í Frjálsri Skammbyssu verður haldið á útisvæði Skotfélags Reykjavíkur á Álfsnesi á laugardaginn. Þetta er fyrsta mótið í þessari grein sem haldið er undir berum himni en hingað til hefur þessi grein verið haldin innanhúss hérlendis. Mótið hefst kl.10:00

16.jún.2009 Úrslit á Landsmóti STÍ í skeet sem haldið var á Akureyri um helgina eru komin inná úrslitasíðuna. Hákon Þ.Svavarsson úr SFS sigraði þar eftir bráðabana um 1.sætið við Gunnar Gunnarsson, einnig úr SFS. Í þriðja sæti varð svo Sigurþór Jóhannesson úr SÍH.

5.jún.2009 Öll úrslitin á Smáþjóðaleikunum á Kýpur eru hérna.

5.jún.2009 Nýjar myndir frá Smáþjóðaleikunum eru að detta inná myndasíðuna.

4.jún.2009 Ásgeir Sigurgeirsson vann Loftskammbyssu karla í dag eftir afar dramatísk úrslit. Guðmundur Kr.Gíslason varð í 5.sæti. Í loftksambyssu kvenna varð Jórunn Harðardóttir í 5.sæti og Jóhanna Gestsdóttir í 10.sæti. Í Haglabyssu skeet varð Örn Valdimarsson í 5.sæti og Hákon Þ.Svavarsson í 6.sæti. Nánari fréttir koma innan skamms.

2.jún.2009 Í haglabyssu-Skeet voru skotnir 3 hringir í dag og er Örn Valdimarsson í 4.sæti með 63 dúfur (21+20+22) og Hákon Þ. Svavarsson með 61 dúfu (21+19+21). Röðin eftir fyrri dag er þannig að Christoforou frá Kýpur er á 72, Andreou er á 71, Farrugia frá Möltu er á 66, Öddi á 63, Vella frá Möltu og Costa frá San Marino á 62, Hákon á 61 og svo Bucci frá San Marino á 60. Þetta er ansi þéttur hópur og því getur allt gerst á morgun þegar seinni hlutinn fer fram en þá verða skotnar 50 dúfur. Sex efstu fara svo í úrslitin.

2.jún.2009 Þá er 1sta keppnisdegi okkar liðs lokið. Í Loftriffli kvenna varð Jórunn í 9.sæti á 370 stigum. Sigurvegari varð Carole Calms frá Lux á 389+100,8 stig. Í Loftriffli karla varð Guðmundur Helgi Christensen í 5.sæti með 544 stig og Arnfinnur Jónsson í 6.sæti með 515 stig. Sigurvegari varð Constantinou frá Kýpur með 576 stig.

29.maí.2009 Smáþjóðaleikarnir á Kýpur hefjast eftir helgina. Fylgjast má með fréttum á síðu leikanna. Eftirtaldir hafa verið valdir til að keppa fyrir Íslands hönd í skotfimi, Jórunn Harðardóttir, Jóhanna H. Gestsdóttir, Ásgeir Sigurgeirsson og Guðmundur Kr. Gíslason í loftskammbyssu, Arnfinnur Jónsson og Guðmundur H.Christensen í loftriffli og Örn Valdimarsson og Hákon Þ.Svavarsson í haglabyssu-skeet. Hópurinn heldur utan á sunnudaginn en samtals fara um 200 manns á vegum ÍSÍ til Kýpur.

26.maí.2009 Úrslit á Reykjavíkurmótinu komin á úrslitasíðuna.

25.maí.2009 Á morgun fer fram Reykjavíkurmótið í loftbyssugreinunum í Egilshöllinni. Mótið hefst kl.17 og stendur til kl. 21.

25.maí.2009 Nýr stöðulisti loftbyssu kominn út og er hann hérna.

23.maí.2009 Vopnalagadrögin eru komin á lagasíðuna til skoðunar.

20. maí.2009. Guðmundur Kr. Gíslason SR skigraði Akranesmótið í loftskammbyssu með 538 stigum. Gamla kempan Hannes Haraldsson SK varð í öðru sæti með 531 stig og Gylfi Ægisson fylgdi fasta á hæla honum og náði þriðja sæti með 528 stigum. Í loftriffli sigraði Guðmundur Helgi Christensen SR með 561 stigi. Arnfinnur Jónsson SK varð í öðru sæti á 554 stigum og Sigfús Tryggvi Blumenstein SR í því þriðja á 512 stigum. Nánari fréttir af mótinu verða á heimasíðu SKA Myndir frá mótinu eru hér: http://www.flickr.com/photos/olasonjon/sets/72157618465459929/

20.maí.2009 Þá eru okkar menn að ljúka keppni, Sigurþór var að skjóta 18 í síðastahring og endaði á 97 alls. Hákon skaut 20 í síðasta hring og endar á 105. Örn skaut svo 21 í síðasta hring og endaði á 109.

20.maí.2009 Jan Sychra frá Tékklandi var rétt í þessu að jafna heimsmetið í Skeet með því skjóta allar leirdúfurnar í undankeppninnni 125 talsins.

20.maí.2009 Fjórði hringur í gangi núna, Sigurþór á 18, Hákon á 23 og Örn á 21

20.maí.2009 Þriðji hringur í skeet er í gangi Sigurþór á 20,(61) Hákon á 18(62) og Örn á 21(67)

20.maí.2009 Jórunn er byrjaði illa á 89 en svo kom 94 og er þá í 69.sæti af 91 en tvær umferðir eru eftir. Nú skaut hún 86 og er þá dottin niðrí 82.sæti. Í síðustu hrinu var ein sjöa og fjórar áttur. Hún er töluvert frá sínu besta í dag. Lokahrinan var svo 89 og endaði þá á 358 stigum.

20.maí.2009 Keppni er nú að hefjast í Munchen. Jórunn byrjar fljótlega í loftskammbyssunni og keppni í skeet er einnig að byrja.

20.maí.2009 Í dag kl.16 hefst Akranesmótið í loftbyssugreinunum og stendur fram á kvöld. Búist er við mikilli þátttöku. Mótið fer fram í íþróttahúsinu við Vesturgötu.

19.maí.2009 Fyrri degi í skeet á WC í Munchen er lokið og var skorið þannig að Örn er á 24+22, Hákon á 23+21 og Sigurþór á 20+21. Þrír hringir verða svo skotnir á morgun.

19.maí.2009 Ásgeir lauk keppni í 20.sæti af 94 keppendum. Frábær árangur og aðeins einu stigi frá Íslandsmetinu.

19.maí.2009 Keppni í loftskammbyssu karla er hafin í Munchen. Fylgjast má með keppninni hérna. Ásgeir er byrjaður og sýnist mér hann vera í hörku stuði miðað við byrjunina, er í 14.sæti eftir 40 skot í fyrri riðli. Skorin hjá honum eru 98+96+97+96+97 úff ,nú þarf hann að fá 97 stig í síðustu hrinu til að jafna Íslandsmetið sitt, 581 stig ! Ahh 96 í síðasta skoti alls 580 stig frábært skor, aðeins einu stigi frá Íslandsmetinu. Hann er sem stendur í 12.sætinu en seinni riðillinn er eftir, topp 30 væri frábært hjá honum á þessu móti sem er líklega sterkasta skotmót sem haldið hefur verið, skráðir keppendur í öllum greinum eru 1,100.

17.maí.2009 Landsmótinu í Skeet sem átti að vera 6.júní n.k. í Reykjavík hefur verið frestað til laugardagsins 27.júní 2009.

17.maí.2009 Úrslit Landsmótsins í Skeet í gær eru komin inná úrslitasíðuna. Gunnar Gunnarsson sigraði á 64+22, Pétur Gunnarsson varð annar á 64+19 og Garðar T.Guðmundsson varð þriðji á 60+21 dúfu. Þeir eru allir úr SFS. Hákon J. Þorsteinsson úr SÍH sigraði í unglingaflokki á 59+19. Í liðakeppninni sigraði A-sveit SFS, í öðru sæti B-sveit SFS og í þriðja sæti sveit SÍH.

15.maí.2009 Þess misskilnings hefur gætt að 75 dúfu mótin sem tekin voru upp á nýjustu mótaskrá útigreina séu gild til Íslandsmeta. Svo er ekki enda var sérstaklega kveðið á um það atriði í reglugerðinni sem birt var þann 21.janúar 2009 og lesa má hérna. Það kom aldrei til álita enda 75 dúfu skeet mót kvennagrein innan ISSF.

15.maí.2009 Rétt er að benda skotmönnum á að frétt á heimasíðu STÍ um að reglugerð hafi verið breytt um Íslands-og Bikarmeistara er ekki rétt. Þar er birtur útdráttur úr fundargerð Skotþings 2008 þar sem tillögu um þetta atriði var vísað til stjórnar STÍ til að vinna úr og útfæra. Þeirri vinnu er ekki lokið og því er enn óbreytt keppnisfyrirkomulag hvað þetta varðar. Stjórn STÍ mun að sjálfsögðu leggja fyrirhugaðar breytingar fyrir aðildarfélögin áður en til þess kemur.

15.maí.2009 Nýtt heimsmet var sett í loftskammbyssu karla á heimsbikarmótinu í Kóreu. Jong Oh Jin skaut þar 594 stig af 600 mögulegum. Hann bætti þar yfir 20 ára gamalt met Sovétmannsins Sergei Pyzhianov sem var 593 stig.

15.maí.2009 Mikola Milchev frá Úkraínu jafnaði heimsmetið í Skeet karla með því að skjóta allar 125 dúfurnar á heimsbikarmótinu í Egyptalandi. Á sama móti jafnaði Sutiya Jiewchaloemmit frá Taílandi heimsmetið í kvennaflokki Skeet með því að skjóta 74 af 75 dúfum.

15.maí.2009 Í fyrramálið heldur landsliðshópur okkar út til keppni á heimsbikarmótinu í Munchen í Þýskalandi. Í skeet keppa Örn Valdimarsson úr SR, Sigurþór Jóhannesson úr SÍH og Hákon Þ.Svavarsson úr SFS. Í loftskammbyssu keppa þau Jórunn Harðardóttir og Ásgeir Sigurgeirsson, bæði úr SR. Skeet keppnin er á þriðjudag og miðvikudag, en loftskammbyssa kvenna er á miðvikudag en karla á þriðjudaginn.

15.maí.2009 Þá er vali keppenda á smáþjóðaleikana á Kýpur lokið. Í haglabyssu skeet keppa þeir Örn Valdimarsson og Hákon Þ. Svavarsson. Í aðrar greinar hafði þegar verið valið, sjá nánar í frétt 7.mars 2009

14.maí.2009 Annað Landsmót STÍ þetta sumarið verður haldið á skotsvæði Skotíþróttafélags Suðrulands við Þorlákshöfn á morgun, laugardag. Skráðir keppendur eru 20 og hefst mótið kl.10:00

6.maí.2009 Úrslit Christensen-mótsins eru komin inná úrslitasíðuna og eins eru myndir frá mótinu hérna. Íris Eva Einarsdóttir tók nú þátt í loftriffli í fyrsta skipti í vetur og gerði sér lítið fyrir og bætti eigið Íslandsmet unglinga um 10 stig. Bjarki Karl Snorrason sigraði í unglingaflokki og náði nú 418 stigum. Árangur Jórunnar í loftriffli er hæsta skor sem náðst hefur í loftriffli hérlendis með 60 skotum en konur fá aðeins viðurkennd met í 40 skotum.

5.maí.2009 Í dag fer fram í aðstöðu Skotfélags Reykjavíkur í Egilshöllinni, Christensen-mótið í Loftskammbyssu og Loftriffli. Mótið hefst kl.16 og lýkur væntanlega um kl.21. Nánar á www.sr.is

3.maí.2009 Bjarne Sanddahl hefur látið af embætti sem formaður danska skotsambandsins og við hans sæti hefur tekið Poul Erik Hansen, sem verið hefur varaformaður undanfarin ár.

2.maí.2009 Á Skotþingi í dag var Jóhannes Christensen sæmdur Gullmerki ÍSÍ en Friðrik Einarsson úr framkvæmdastjórn ÍSÍ sæmdi hann merkinu. Jafnframt sæmdi hann þá Halldór Axelsson og Guðmund Kr.Gíslason Silfurmerki ÍSÍ. Þingið gekk afar vel fyrir sig og ýmis góð mál voru rædd og afgreidd. Þinggerðin kemur á netið innan skamms. Myndir frá þinginu eru hérna.

26.apr.2009 Nýr stöðulisti Skeet kominn á netið

25.apr.2009 SKOTÞING 2009 verður haldið í Íþróttamiðstöðinni í Laugardal laugardaginn 2.maí n.k. og hefst kl.11:00. Öll aðildarfélög STÍ ættu nú að vera búin að fá tilkynningu um það frá sínu héraðssambandi eða íþróttabandalagi fyrir þó nokkru síðan. Munið að kjörbréfin eru gefin út af þeim.

25.apr.2009 Fyrsta Landsmót STÍ í haglabyssu þetta tímabilið var haldið að Iðavöllum í Hafnarfirði í dag. Sigurþór Jóhannesson úr Skotíþróttafélagi Hafnarfjarðar sigraði. Nánari úrslit komin inná úrslitasíðuna. Myndir frá mótinu eru svo inná heimasíðu SÍH.

25.apr.2009 Íslandsmeistari karla varð Guðmundur Helgi Christensen úr Skotfélagi Reykjavíkur, Íslandsmeistari kvenna varð Jórunn Harðardóttir og í liðakeppninni varð sveit Skotfélags Reykjavíkur Íslandsmeistari. Nánari úrslit eru komin á úrslitasíðuna.

24.apr.2009 Nýr stöðulisti í Loftbyssugreinunum kominn á netið.

22.apr.2009 Þá er skráningu á mótin á laugardaginn lokið. Á Landsmótið í Skeet sem haldið er á Iðavöllum í Hafnarfirði af Skotíþróttafélagi Hafnarfjarðar bárust 17 skráningar. Á Íslandsmótið í 60sk.liggjandi riffil, sem haldið er í Digranesi í Kópavogi af Skotfélagi Kópavogs, bárust 10 skráningar.

20.apr.2009 Skráningu á Landsmótið í skeet lýkur annað kvöld.

20.apr.2009 Skráningu á Íslandsmótið í 60sk liggjandi riffli lýkur annað kvöld. Munið að senda inn skráningu tímanlega.

18.apr.2009 Ásgeir Sigurgeirsson varð í dag Íslandsmeistari karla í loftskammbyssu á nýju íslensku meti. Í öðru sæti varð Guðmundur Kr Gíslason og í því þriðja Finnur Steingrímsson úr Skotfélagi Akureyrar. A-lið Skotfélags Reykjavíkur varð svo Íslandsmeistari í liðakeppninni með þá Ásgeir, Guðmund Kr. og svo Benedikt G.Waage innanborðs, en 5 lið tóku þátt í karlakeppninni. Í Kvennakeppninni sigraði Jórunn Harðardóttir úr SR en Jóhanna Gestsdóttir úr SKA varð í öðru sæti og Berglind Björgvinsdóttir einnig úr SKA í þriðja.Í liðakeppni varð kvennalið SKA, skipað þeim Jóhönnu Gestsdóttur, Laufey Gísladóttur og Berglindi Björgvinsdóttur, Íslandsmeistari. Íslandsmeistari karla í loftriffli varð Guðmundur Helgi Christensen úr SR, Arnfinnur Jónsson úr SFK varð annar og Sigfús Tryggvi Blumenstein í þriðja sæti. Í kvennakeppninni varð Jórunn Harðardóttir Íslandsmeistari og jafnaði hún Íslandsmetið. Á mótinu er einnig keppt í styrkleikaflokkum karla og kvenna auk unglingaflokka. Íslandsmeistarar í flokkum voru sem hér segir:Loftskammbyssa karla. Ásgeir Sigurgeirsson SR, meistaraflokki . Guðmundur Kr. Gíslason SR í 1. Flokki. Finnur Steingrímsson SA í 2. Flokki. Ómar Jónsson SKA í þriðja flokki og Jón Arnar Sigurþórsson SKA í 0 flokki. Loftskammbyssa kvenna. Jórunn Harðardóttir SR, í meistaraflokki. Jóhanna Gestsdóttir SKA í 1. Flokki. Laufey Gísladóttir SKA í 3. Flokki og Berglind Björgvinsdóttir SKA í 0 flokki., Loftskammbyssa stúlkna. Steinunn Guðmundsdóttir SKA, Loftskammbyssa drengja. Skúli Freyr Sigurðsson SKA, Loftriffill Karla. Guðmundur H. Christensen SR í 1. Flokki. Sigfús Tryggvi Blumenstein í 3. Flokki og Viðar Stefánsson SFK í 0 flokki, Loftriffill kvenna. Jórunn Harðardóttir í meistaraflokki. Nánari úrslit eru komin á úrslitasíðuna og svo koma nýjar myndir hingað seinna í kvöld.

17.apr.2009 ÍSÍ þingið var haldið í dag og verður framhaldið á morgun. Þingið er haldið á Hótel Nordica og er STÍ með 5 fulltrúa á þinginu.

15.apr.2009 Riðlaskipting Íslandsmótsins í loftbyssugreinunum er komin á heimasíðu mótshaldara, Skotfélags Reykjavíkur: www.sr.is

8.apr.2009 Á Íslandsmótinu í Sport skammbyssu á sunnudaginn varð Karl Kristinsson Íslandsmeistari karla og Jórunn Harðardóttir í kvennaflokki. Úrslitin eru komin á úrslitasíðuna.

4.apr.2009 Fundur með aðildarsamböndum Smáþjóðaleikanna á Kýpur var haldinn á Kýpur í gær. Þar var meðal annars ákveðið að fella af dagskrá leikanna kvennakeppni í Skeet vegna ónógrar þátttöku. Í frjálsum íþróttum verða felldar út 3000mtr hindunarhlaup kvenna, kringlukast kvenna og sleggjukast kvenna. Í júdó 100 +kílóa flokkur karla, -75 og +75 kílóa flokkur kvenna, í siglingum flokkur RS:X, og í liðakeppni samhæfðra fimleika. Gefin verður út fréttatilkynning á mánudaginn um niðurstöðu fundarins og munum við birta úrdrátt úr henni um leið og hún berst.

4.apr.2009 Skotsamband Evrópu, ESC, var að birta nýjan lista yfir bestu skotmenn Evrópu. Ásgeir Sigurgeirsson er kominn uppí 48.sæti í Loftskammbyssunni ! Það er besti árangurs íslensks skotmanns frá upphafi. Ásgeir fer til keppni á Heimsbikarmótið í Munchen 16.maí n.k. og verður spennandi að sjá hvernig honum gengur þar í keppni við þá bestu. Ásgeir er aðeins 23ja ára gamall og á framtíðina fyrir sér. Á sama mót sendum við einnig Jórunni Harðardóttur í Loftskammbyssu og svo 3ja manna lið í haglabyssu-Skeet þá Sigurþór Jóhannesson, Hákon Þ.Svavarsson og Örn Valdimarsson.

4.apr.2009 Karl Kristinsson úr Skotfélagi Reykjavíkur varð Íslandsmeistari karla í Staðlaðri skammbyssu, Jórunn Harðardóttir úr sama félagi varð íslandsmeistari kvenna og lið Skotfélags Reykjavíkur tók Íslandsmeistaratitilinn í liðakeppninni. Nánar á úrslitasíðunni.

3.apr.2009 Riðlar í Stöðluðu skammbyssunni og Sport skammbyssunni komnir.

30.mar.2009 Um næstu helgi verða haldin Íslandsmót í þremur skotgreinum, Sport skammbyssu, Staðlaðri Skammbyssu og Þríþraut í riffli. Skammbyssumótin eru í Digranesi en Þríþrautin í Egilshöll. Munið að skráningarfrestur rennur út annað kvöld, þriðjudagskvöld.

24.mar.2009 Í nýju ISSF-alþjóðareglunum er m.a.ein breyting sem skiptir skammbyssuskotmenn máli. Gikkþyngdin í Grófri Skammbyssu hefur verið að lágmarki 1360 grömm hingað til en hefur nú verið lækkuð til samræmis við Staðlaða og Sport skammbyssu í 1000 grömm.

23.mar.2009 Um næstu helgi verður fyrrv.landsliðsþjálfari okkar og núverandi landsliðsþjálfari Finna í haglabyssu skeet, Peeter Pakk, hér við þjálfun landsliðs okkar. Peeter er talin með bestu þjálfurum í sinni grein í heiminum í dag og okkur því mikill akkur að því að fá að njóta krafta hans.

23.mar.2009 Á ársþingi USAH þann 22 mars var Guðmann Jónasson úr skotfélaginu Markviss útnefndur íþróttamaður ársins 2008. Guðmann sigraði á Norðurlandsmeistaramótinu og á SÍH-Open á síðasta keppnistímabili. Hann var einnig valinn í landsliðshóp STÍ á þessu ári, einn fjögurra skotmanna sem skipa liðið.

21.mar.2009 Ásgeir Sigurgeirsson sigraði á Íslandsmótinu í Frjálsri skammbyssu í Egilshöllinni í dag.

20.mar.2009 Á morgun laugardag verður Íslandsmótið í Frjálsri Skammbyssu haldið í Egilshöllinni. Riðlaskiptingin er hérna.

18.mar.2009 Úrslit mótanna um síðustu helgi eru nú komin á úrslitasíðuna.

15.mar.2009 Íslandsmeistari í Grófri skammbyssu varð Karl Kristinsson úr Skotfélagi Reykjavíkur og Skuli Sigvaldason úr Skotfélagi Kópavogs varð Bikarmeistari í 60sk liggjandi riffli.

11.mar.2009 Um næstu helgi verða tvö mót á dagskrá, í Egilshöllinni verður Bikarmót STÍ í 60sk liggjandi riffli á laugardaginn og í Digranesi á sunnudaginn verður Íslandsmótið í Grófri Skammbyssu. Riðlarnir fyrir Grófu skammbyssuna eru hérna en í 60sk verður bara einn riðill kl.10:00

7.mar.2009 Ný staða á skorlistanum í loftbyssugreinunum komin eftir mót dagsins hérna.

7.mar.2009 Þá er orðið ljóst hverjir munu keppa fyrir hönd Íslands á Smáþjóðaleikunum á Kýpur í júní n.k. í loftbyssugreinunum. Í loftskammbyssu karla verða það þeir Ásgeir Sigurgeirsson og Guðmundur Kr.Gíslason. Í loftskammbyssu kvenna þær Jórunn Harðardóttir og Jóhanna H. Gestsdóttir. Í loftriffli karla Guðmundur Helgi Christensen og Arnfinnur Jónsson. Í loftriffli kvenna keppir Jórunn Harðardóttir. Ekki hefur enn verið valið í haglabyssuliðið en þar eru tvö sæti laus. Valið verður í þau í lok mánaðarins.

7.mar.2009 Bikarmótinu í loftskammbyssu og loftriffli er lokið. Í karlaflokki sigraði Ásgeir Sigurgeirsson, Guðmundur Kr Gíslason varð annar og Guðmundur Sigurðsson þriðji. Í kvennaflokki sigraði Jórunn Harðardóttir, Laufey Gísladóttir varð önnur og Jóhanna Gestsdóttir þriðja. Í loftriffli sigraði Guðmundur Helgi Christensen í karlaflokki og Jórunn Harðardóttir í kvenna. Úrslitin eru hérna og myndir á myndasíðunni.

6.mar.2009 STÍ hefur valið eftirtalda keppendur til þáttöku til keppni á Heimsbikarmótinu í München 16.-21.maí n.k. í Skeet Örn Valdimarsson, SR, Sigurþór Jóhannesson, SÍH, og Hákon Þ.Svavarsson, SFS. Í Loftskammbyssu þau Jórunni Harðardóttir og Ásgeir Sigurgeirsson bæði úr SR.

5.mar.2009 Riðlaskipting Bikarmótsins í loftbyssugreinunum á laugardaginn í Kópavogi er komin hér.

2.mar.2009 Skotíþróttafélag Ísafjarðar hefur opnað nýja heimasíðu, http://si.123.is/

22.feb.2009 Ásgeir endaði í 26.sæti með 573 stig, fínn árangur. Syrpan var 92 96 96 95 98 96, mjög gott en 92 hrinan er dýr því 579 stig eru að gefa sæti í úrslitunum.

22.feb.2009 Hægt er að fylgjast með keppninni á EM í Prag hérna. Ásgeir byrjaði keppni kl.7 í morgun.

20.feb.2009 Hilmar Árni Ragnarsson, fyrrv.formaður Skotfélags Reykjavíkur, lést í morgun. Hann var 53 ára gamall. Hilmar var kjörinn í stjórn félagsins á aðalfundi 28.janúar 1993 og tók þá við gjaldkerastöðunni. Hann er svo kjörinn formaður félagsins á aðalfundi ári seinna í febrúar 1994. Hilmar sat í aganefnd Skotíþróttasambands Íslands og var einnig fastamaður í ýmsum starfsnefndum á Skotþingum.

19.feb.2009 Hvað er unglingur í skotfimi ? ISSF regla númer 3.3.6 hljóðar í íslenskri útgáfu þannig að unglingur er sá sem er UNDIR 21 árs þann 31.desember það ár sem keppni fer fram.

19.feb.2009 Kominn nýr skorlisti í enska rifflinum og eins staðan til Bikarmeistara.

18.feb.2009 Evrópumeistaramótið í Loftskammbyssu og Loftriffli hefst á morgun. Það er haldið í Prag, Tékklandi að þessu sinni. Við sendum einn keppanda í Loftskammbyssu karla, Ásgeir Sigurgeirsson. Ásgeir fór utan í morgun og fer formaður STÍ með honum til halds og trausts. ´Keppnin í Loftskammbyssu er svo á sunnudaginn.

16.feb.2009 Í dag eru 30 ár síðan STÍ var stofnað !!!

16.feb.2009 Kominn nýr skorlisti eftir mótin í loftbyssugreinunum um helgina og staðan til Bikarmeistara.

15.feb.2009 Úrslitin úr landsmótinu í enska rifflinum, 60skot liggjandi, eru komin á úrslitasíðuna. Jórunn Harðardóttir bætti eigið Íslandsmetið um 2 stig og skaut núna 573 stig. Arnfinnur Jónsson sigraði með 588 stigum.

14.feb.2009 Úrslitin úr landsmótinu í Loftbyssugreinunum liggja nú fyrir. Jórunn Harðardóttir setti nýtt Íslandsmet í Loftskammbyssunni með final og jafnaði það fyrir final. Nánari úrslit eru á úrslitasíðunni og svo koma nokkrar myndir seinna í dag.

12.feb.2009 SKOTÞING 2009 verður haldið í Íþróttamiðstöðinni í Laugardal laugardaginn 2.maí og hefst kl.10:00. Fundarboð verður sent aðildarfélögum innan skamms.

12.feb.2009 Skorstaða skotmanna í loftbyssu og skeet er komin á netið.

12.feb.2009 Riðlaskipting Landsmótsins í loftbyssugreinunum sem haldið verður á laugardaginn kemur í Egilshöllinni var að berast og er hún hérna til skoðunar.

11.feb.2009 Afrekssjóður ÍSÍ hefur nú tilkynnt úthlutun úr sjóðnum á þessu ári. Ein umsókn okkar hlaut náð fyrir augum nefndarinnar en verkefni vegna Ásgeirs Sigurgeirssonar hlaut eingreiðslustyrk uppá kr. 400þús. Önnur verkefni STÍ fengu ekki styrk úr sjóðnum.

11.feb.2009 Vopnalagafrumvarpið verður ekki lagt fram á þingi fyrir kosningar en vinnu við það er þó haldið áfram af fullum krafti.

11.feb.2009 Valið hefur verið Landslið í Skeet sem fer til keppni á heimsbikarmóti í München, Þýskalandi um miðjan maí. Einvaldurinn hefur valið eftirtalda skotmenn, Sigurþór Jóhannesson úr SÍH, Hákon Þ. Svavarsson úr SFS og Örn Valdimarsson úr SR.

9.feb.2009 Um næstu helgi verða haldin þrjú landsmót, á laugardaginn er keppt í Egilshöllinni í Reykjavík í Loftskammbyssu og Loftriffli. Á sunnudaginn er svo keppt í Digranesi í Kópavogi í enskum riffli (60sk liggjandi). Skráningu á þessi mót lýkur annað kvöld og hvetjum við félögin til að fjölmenna nú með keppendur á þessi mót.

8.feb.2009 Þá er alþjóðlega mótinu í Haag í Hollandi lokið og uppskeran hjá Ásgeiri í Loftskammbyssu var hreint frábær. Tvö silfur og eitt brons. Ásgeir er aðeins 23ja ára gamall og á framtíðina fyrir sér með sömu ástundun og hingað til. Hann hefur æft regluglega síðan hann var 16 ára gamall hjá Skotfélagi Reykjavíkur. Hann fer út til keppni á Evrópumeistaramótinu sem haldið er í Prag í Tékklandi seinna í mánuðinum. Á laugardaginn er landsmót STÍ haldið í Egilshöllinni og verður hann þar meðal keppenda. Í maí fer hann á heimsbikarmót í München og svo á Smáþjóðaleikana á Kýpur í byrjun júní. STÍ hefur unnið að því að hann komist á reglulega styrki frá Afrekssviði ÍSÍ og ætti áragnur hans á mótinu um helgina að styrkja þá umsókn verulega og sanna fyrir mönnum að Ásgeir er búinn að stimpla sig inn sem eitt af stærri nöfnunum í sinni grein í allavega Evrópu.

7.feb.2009 Ásgeir hafnaði í öðru sæti eftir úrslitakeppnina aðeins 0,3 stigum á eftir sigurvegaranum.

7.feb.2009 Undankeppninni er að ljúka í Hollandi og er Ásgeir í 1.sæti með 580 stig, aðeins einu stigi frá Íslandsmeti sínu !! Frábær árangur hjá honum. Úrslitin eru svo kl.15:15 í dag. Nýjar myndir inná ljósmyndum hér til vinstri. Hann þarf að skora 98,7 í úrslitunum til að jafna Íslandsmet sitt með final, 678,7 stig.

6.feb.2009 Ásgeir endaði í 3ja sæti eftir úrslitin sem voru að venju afar spennandi. Á morgun er svo síðasta keppnin og byrjar Ásgeir kl. 10:15 og ef hann kemst í úrslit þá hefjast þau kl. 15:15 að okkar tíma.

6.feb.2009 Ljósmyndir frá mótinu í gær voru að berast eru þær hérna, annarsvegar af Ásgeiri og hins vegar af verðlaunahöfunum

6.feb.2009 Forkeppni annars keppnisdags er nú lokið og er Ásgeir í þriðja sæti með 577 stig en í forystu er Portúgalski landsliðsmaðurinn José Marracho með 579 stig og Bandaríkjamaðurinn Thomas Rose er annar með 578 stig. Ásgeir fór einmitt uppfyrir þessa tvo í úrlsitunum í gær og verður spennandi að sjá hvað gerist í finalnum á eftir en hann hefst kl. 13:30. Fylgist með hérna.

5.feb.2009 Ásgeir náði silfrinu á mótinu ! Glæsilegur árangur, hann náði að fara framúr tveimur skotmönnum á lokasprettinum og var að lokum 0,4 stigum á undan þriðja manni og vantaði aðeins 2,1 stig til að ná efsta sætinu.

5.feb.2009 Þá er forkeppninni lokið og er Ásgeir í 4.sæti fyrir úrslitakeppnina sem átta efstu taka þátt í. Lítill munur er á efstu mönnum þannig að ýmislegt getur gerst. Til gamans læt ég fylgja HÉRNA skorkortið hans. Finalinn hefst svo kl 15:45 að okkar tíma.

5.feb.2009 Þá er fyrsti keppnisdagur hafinn í Hollandi. Ásgeir byrjar keppni kl.11:30 að okkar tíma. Hægt er að fylgjast með tölum úr keppninni á netinu hérna.

4.feb.2009 Ásgeir Sigurgeirsson er nú kominn til Haag í Hollandi en þar fer fram þriggja daga keppni í Loftskammbyssu. Fyrsti keppnisdagur hans er á morgun en í dag er vopnaskoðun og formlegar æfingar. Formaður STÍ er með honum til halds og trausts. Hægt er að fylgjast með málum á heimasíðu keppninnar INTERSHOOT

27.jan.2009 Iðkendur innan Skotíþróttasambandsins voru við síðustu skil á starfsskýrslum til ÍSÍ 2,231 talsins. Kíkið á skiptingu eftir félögum hérna.

26.jan.2009 Lokaútgáfa Mótaskrár STÍ í Skeet er komin á mótasíðuna. Einnig er að finna nýja samþykkt stjórnar um flokkun og gildi 75 dúfu mótanna hérna.

26.jan.2009 Ýmiss fróðleikur um skotfimi er á heimasíðu Alþjóða Ólympíunefndarinnar, IOC

17.jan.2009 Úrslit úr mótinu í dag eru komin á úrslitasíðuna. Eins koma myndir frá því innan skamms á myndasíðuna.

14.jan.2009 Á laugardaginn 17.janúar verður haldið landsmót ST'I í loftbyssugreinunum. Mótið fer fram í Egilshöllinni í Reykjavík. Mótshaldari er Skotfélag Reykjavíkur og er hér komin riðlaskipting mótsins.

13.jan.2009 Einstaklingar sem hafa hug á að mennta sig í þjálfarafræðum geta sótt um styrki til þess, til ÍSÍ. Umsóknarfrestur er til 1.febrúar n.k. Nánar á heimasíðu ÍSÍ.

10.jan.2009 Úrslitin úr riffillandsmótinu í morgun eru komin á úrslitasíðuna. Eins er verið að vinna myndir frá því og koma þær inn seinna í dag á myndasíðuna.

8.jan.2009 Skriftsofunni bárust gögn með gömlum úrsllitum í Bench Rest riffilgreininni frá árunum 1990 til 1996. Við skönnuðum þau og birtum hér á úrslitasíðunni til gamans.

8.jan.2009 Á laugardaginn fer fram landsmót í 60sk liggjandi riffli (enskum) í Kópavogi. Skráðir eru 10 keppendur til leiks.

7.jan.2009 Tveir keppnismenn hafa breytt keppnisrétti sínum frá áramótum, Örn Valdimarsson skipti úr SÍH í SR og Óskar Þórðarson úr SK í SÍH. Báðir keppa þeir í Skeet.

6.jan.2009 Borist hafa úrslit og myndir frá skemmtimóti í Skeet sem haldið var hjá Skotíþróttafélagi Suðurlands í Þorlákshöfn á gamlársdag 2008.

30.des.2008 Leiðrétting var gerð á úrslitum Kópavogsmótsins en Sigurgeir Arnþórsson, sem hafnaði í 3ja sæti, var þar rangt skráður sem keppandi SFK en hann er keppandi fyrir ÍFL einsog ávallt. Liðaúrslitum var einnig breytt til samræmis. Biðjumst velvirðingar á mistökunum.

29.des.2008 Flokkareglum STÍ verður breytt þannig að 75 dúfu-skeetmótin verða gild til flokkaárangurs þannig að M.fl. er 69 dúfur, 1.fl. er 64 dúfur, 2.fl. er 58 dúfur og 3.fl. er 46 dúfur. Jafnframt er rétt að fram komi að 75 dúfu STÍ-landsmótin telja öll til Bikarmeistara. Athugið þó að þetta er ennþá á umræðustigi og verður breytt, ef þurfa þykir, fyrir upphaf keppnistímabilsins.

27.des.2008 Mótaskrá STÍ í Haglabyssu fyrir sumarið 2009 er komin út og er hérna til skoðunar.

27.des.2008 Kópavogsmótið var haldið í dag og sigraði þar Ásgeir Sigurgeirsson, Guðmundur Kr Gíslason varð annar og faðir Ásgeirs, Sigurgeir Arnþórsson náði bronsinu. Í loftriffli karla sigraði Guðmundur Helgi Christensen og Þorleifur M.Magnússon varð annar. Jórunn Haðrardóttir var eini keppandinn í kvennaflokki í loftriffli og loftskammbyssu. Nánari úrslit komin á úrslitasíðuna og eins nokkrar myndir hérna.

23.des.2008 Skotíþróttakarl Ársins 2008 er Ásgeir Sigurgeirsson úr Skotfélagi Reykjavíkur. Skotíþróttakona Ársins 2008 er Jórunn Harðardóttir úr Skotfélagi Reykjavíkur. Árangur þeirra er öllum kunnur og þau vel að valinu komin. Þau taka við viðurkenningum sínum í hófi til Íþróttamanns Ársins sem haldið verður þann 2.janúar 2009 á Grand Hóteli í Reykjavík.

23.des.2008 Kópavogsmótið í loftbyssugreinunum verður haldið í sal SFK í Digranesi laugardaginn 27.des. og hefst kl.10. Skráningu á mótið lýkur í kvöld.

23.des.2008 SFS heldur mót á gamlársdag í Skeet. Eins er SA á Akureyri með mót á sama tíma.

10.des.2008 Eldri úrslit eru að byrja að birtast á úrslitasíðunni. Verður bætt inná eftir því sem þau finnast.

6.des.2008 Áríðandi tilkynning frá Anshcütz um innköllun á gölluðum loftkútum. Skoðið upplýsingar frá þeim hérna og látið þá vita sem þið þekkið og eiga Anschütz loftbyssur.

6.des.2008 Fjögur ný glæsileg Íslandsmet litu dagsins ljós á Landsmótinu sem haldið var í Egilshöllinni í morgun, Ásgeir Sigurgeirsson úr Skotfélagi Reykjavíkur bætti eigið met í Loftskammbyssu karla og skaut nú 581 stig og bætti svo um betur í úrslitunum og skaut þar 97,7 sti eða alls 678,7. Jórunn Harðardóttir einnig úr Skotfélagi Reykjavíkur bætti sitt met í Loftriffli með því að skjóta nú 382 stig og svo bætti hún sig enn í úrslitunum og skaut þar 98,2 stig eða alls 480,2. Nánari úrslit eru hérna og eins koma myndir frá mótinu hérna innan skamms.

3.des.2008 Ýmsar breytingar eru fyrirhugaðar á ISSF regluverkinu um áramótin. Sjá nánar hér til vinstri undir ISSF Reglur.

3.des.2008 Riðlaskipting Landsmótsins í Egilshöllinni á laugardaginn er komin hérna. Mótið hefst kl.10

28.nóv.2008 Stöðulistinn fyrir síðasta keppnistímabil í Loftbyssugreinunum er nú klárt á Stöðulistasíðunni hérna til vinstri.

24.nóv.2008 Síðasta Landsmótið á þessu ári verður laugardaginn 6.des í Loftskammbyssu og Loftriffli í Egilshöllinni.

24.nóv.2008 Úrslitin í 60sk liggjandi eru nú komin inná mótasíðuna. Skúli Sigvaldason átti þar besta skorið 573 stig en Jórunn Harðardóttir varð önnur með 562 stig.

24.nóv.2008 Heimasíðan hefur legið niðri um helgina vegna bilunar í netþjóni. Er nú komið í lag.

21.nóv.2008 Rússneska stúlkan GALKINA Lioubov setti nýtt heimsmet í Loftriffli kvenna á úrslitamóti ISSF þann 5.nóv s.l. með fullu húsi, 400 stig eða 40 skot í tíuna ! Indverjinn Gagan Narang gerði það sama í karlaflokki nema hann bætti finalmetið líka, 600 stig plús 103,5 eða alls 703,5 stig.

21.nóv.2008 Landsmót í 60sk liggjandi riffli (enskum) verður haldið í Egilshöllinni í Reykjavík á laugardaginn 22.nóv.og hefst kl.10:00

15.nóv.2008 Ásgeir Sigurgeirsson sigraði í loftskammbyssu á Landsmótinu í dag með 572 stig sem er heilum 9 stigum yfir Ólympíulágmarki ! Í öðru sæti varð fyrrum Íslandsmethafi Ólafur Jakobsson með 558 stig, greinilega engu gleymt og í þriðja sæti varð Jórunn Harðardóttir. Í loftriffli sigraði Guðmundur Helgi Christensen á nýju Íslandsmeti, 568 stig ! Nánar á úrslitásíðunni.

13.nóv.2008 Landsmót í loftskammbyssu og loftriffli fer fram í Egilshöllinni í Reykjavík á laugardaginn. Mótið hefst kl.10.

26.okt.2008 Jórunn Harðardóttir sigraði karlana á Landsmóti STÍ í enskum riffli í dag. Nánar á úrslitasíðunni. Árangur Jórunnar er jafnframt Íslandsmet í kvennaflokki.

25.okt.2008 Ásgeir Sigurgeirsson sigraði í Loftskammbyssu í dag, Jórunn Harðardóttir í Loftskammbyssu og Loftriffli kvenna, Guðmundur Helgi Christensen í Loftriffli karla. Úrslitin eru komin á úrslitasíðuna og eins eru ljósmyndir komnar hér.

20.okt.2008 Norski silfurverðlaunahafinn frá Ólympíuleikunum í Peking, Tore Brovold, sigraði Ólympíumeistarann Vincent Hancock með einni dúfu á úrslitamótinu í Skeet sem haldið var í Minsk í Hvíta-Rússlandi í lok september.

15.okt.2008 Mótaskrá kúlugreina er nú komin í endanlegri mynd. Smellið hér og skoðið. Fyrstu mótin eru í Loftskammbyssu/Loftriffli laugardaginn 25.október n.k. í Egilshöllinni og sunnudaginn 26.október í 60 sk.liggjandi riffli í Digranesi

23.sep.2008 Varaformaður Evrópuskotsambandsins, Mati Mark frá Eistlandi lést á sunnudaginn.

22.sep.2008 MÓTASKRÁRDRÖG innigreinanna eru nú komin hérna til yfirlestrar. Við hvetjum skotmenn til að koma skriflegum athugasemdum til síns félags. Félögin senda svo STÍ samanteknar athugasemdir. Frestur til að skila inn breytingartillögum til STÍ er til 26.september. Verður mótskráin svo birt í sinni lokamynd í síðasta lagi 29.september.

18.sep.2008 Valdir hafa verið fjórir skotmenn í landsliðshóp í SKEET, Guðmann Jónasson MAV, Hákon Þ Svavarsson SFS, Sigurþór Jóhannesson SÍH og Örn Valdimarsson SÍH. Hópurinn er valinn til undirbúnings fyrir keppnistímabilið 2009, og sem sem lengra markmið OL 2012. Fyrsta stóra verkefni næsta árs eru Smáþjóðaleikar, sem verða haldnir á Kýpur í byrjun júní. Tveir af fyrrnefndum skotmönnum munu keppa þar fyrir Íslands hönd. Önnur verkefni sem liggja fyrir eru Evrópu og Heimsmeistaramót, en þáttaka á þeim mótum tengist því hvernig gengur að fjármagna ferðakostnað landsliðs.
Rétt er að benda á að sæti í landsliði byggir á árangri! Ef skotmaður sem ekki er í landsliðshóp sýnir afgerandi góðan og stöðugan árangur, mun hann að sjálfsögðu vera tekinn til greina í þennan hóp. Engar breytingar verða þó gerðar fyrir Smáþjóðaleika, þar sem of fá mót eru eru til viðmiðs áður en þeir verða haldnir.
Halldór Axelsson

13.sep.2008 Bikarmeistari STÍ í skeet 2008 varð Hákon Þ.Svavarsson úr SFS. Hann sigraði á lokamótinu á Álfsnesi í dag og tryggði þar með titilinn. Úrslitin koma fljótlega inná úrslitasíðuna. Úrslitin eru hér og nokkrar myndir hérna.

10.sep.2008 Lokamót haglabyssutímabilsins verður á velli Skotfélags Reykjavíkur á Álfsnesi á laugardaginn. Athyglisvert er að í fyrsta skipti í yfir tíu ár taka konur þátt í mótinu.

25.ágú.2008 Inná stöðulistasíðuna hér til vinstri eru komnar nýjustu tölur um árangur allra skotmanna í skeet á tímabilinu, staða þeirra í flokkum og svo einnig staðan til Bikarmeistaratitils 2008.

24.ágú.2008 Úrslitin frá Íslandsmótinu eru komin á úrslitasíðuna. Hákon Þ. Svavarsson frá SFS sigraði í karlaflokki.

22.ágú.2008 Tímatafla Íslandsmótsins er komin hérna. Úrslitin eru kl. 14:45 á sunnudaginn.

22.ágú.2008 Íslandsmótið í haglabyssu-SKEET fer fram á skotvelli SÍH í Hafnarfirði um helgina. Skráðir keppendur eru 20 talsins. Nánar á www.sih.is.

16.ágú.2008 Keppni í Skeet á Ólympíuleikunum var að ljúka og sigraði Bandaríkjamaðurinn Vincent Hancock eftir bráðabana við Norðmanninn Tore Brovold. Frakkinn Anthony Terras hafnaði í 3ja sæti eftir bráðabana við Antonis Nicolaides frá Kýpur.

15.ágú.2008 Keppendur á Opna Reykjavíkurmótinu á velli Skotfélags Reykjavíkur á Álfsnesi eru 20 og eru tvær þýskar konur meðal þeirra. Keppni hefst kl.10 á morgun laugardag og verða þá skotnir 3 hringir. Ætti keppni að ljúka um kl.15:00. Á sunnudaginn eru skotnir tveir hringir og að lokum fara 6 efstu keppendur í úrslit og sjóta þar 25 leirdúfur. Konurnar keppa með körlunum. Þess má geta að klúbbfélagi annarar þeirrar er Christine Brinker sem náði bronsverðlaunum í skeet á Ólympíuleikunum í Peking og kærasti Brinker er Axel Wegner sem er einmitt að keppa þessa stundina í Peking. Aldrei að vita nema parið komi á mótið á næsta ári.

9.ágú.2008 Úrslitin frá Sauðárkróki eru komin á úrslitasíðunaog eins eru úrslitin frá Kelfavík komin inná líka.

9.ágú.2008 Kínverji sigraði í loftskammbyssu karla á ÓL

9.ágú.2008 Linkurinn til að fylgjast með skotgreinunum er: PEKING 2008 SKOTGREINAR

9.ágú.2008 Fyrstu gullverðlaun Ólympíuleikanna í Peking voru veitt í nótt en tékkneska loftriffilskyttan Katerina Emmons sigraði. Nánar hérna.

8.ágú.2008 Dagana 16.-17.ágúst n.k. verður haldið fyrsta alþjóðlega skotmótið á nýjum völlum Skotfélags Reykjavíkur á Álfsnesi. Keppt er í haglabyssu-skeet. Þegar hafa staðfest komu sína tvær þýskar keppniskonur, en önnur þeirra er fyrrverandi landsliðsmaður Þjóðverja. Mótið er opið öllum keppnismönnum en mótið er jafnframt Reykjavíkurmót. Sjá nánar á www.sr.is

8.ágú.2008 Ólympíuleikarnir i Peking hefjast í dag. Fylgjast má með skotgreinunum á heimasíðu Alþjóða Skotsambandsins.

4.ágú.2008 Á laugardaginn kemur verður haldið Opna Norðurlandsmótið í Skeet. Mótshaldarar eru Skotfélagið Markviss á Blönduósi og Skotfélag Akureyrar. Félögin hafa tekið á leigu völl Skotfélagsins Ósmanns á Sauðárkróki til mótahaldsins. Sem kunnugt er er Ósmann fyrir utan Íþróttahreyfinguna en vallarstæði þeirra þykir með miklum ágætum og því ánægjulegt að hann komi að notum við almennt mótahald í landinu. Vonandi bætist félagið í okkar hóp á næstu árum.

1.ágú.2008 Úrslit Opna Keflavíkurmótsins í Skeet sem haldið var laugardaginn 26.júlí s.l. hafa ekki borist skirfstofu STÍ en sjá má úrslitin á heimasíðu Skotdeildar Keflavíkur, http://www.keflavik.is/Skot/Mót/ Úrslitin verða sett inná úrslitasíðu STÍ þegar þau berast.

24.júl.2008 Úrslit Landsmótsins á Blönduósi á laugardaginn eru komin inná úrslitasíðuna.

13.júl.2008 Lokatölur frá Kýpur í dag, Örn skaut 23+21 og endaði á 113 en Sigurþór skaut 19+23 og endar á 104 stigum.

12.júl.2008 Þá er fyrri degi lokið á Kýpur og gengur okkar mönnum ágætlega, Örn skaut 23+23+23 eða alls 69 af 75, og Sigurþór skaut 21+21+20 eða alls 62 af 75. Seinni tveir hringirnir eru svo skotnir í fyrramálið.

10.júl.2008 Okkar menn eru nú mættir til Kýpur eftir langt og strangt ferðalag. Formaðurinn tjáði fréttastjóra síðunnar núna rétt áðan að þeir væru nú að fara í bólið og ættu æfingu í bítið í fyrramálið. Gamli þjálfarinn okkar, Peeter Piakk, hafði útvegað þeim æfingatíma.

9.júl.2008 Landsliðsmenn okkar þeir Örn og Sigurþór eru nú á leið til Kýpur ásamt formanni STÍ, Halldóri Axelssyni. Þeir lentu í í því að þurfa að gista í London í nótt vegna bilunar í flugvélinni sem flytja átti þá til Kýpur. Þeir verða því ekki komnir þangað fyrr en annað kvöld.

5.júl.2008 Úrslit landsmótsins á Akureyri eru komin á úrslitasíðuna. Hákon Þ.Svavarsson frá SFS sigraði á meistaraflokksárangri og Guðmann Jónasson frá MAV á Blönduósi varð í öðru sæti.

30.jún.2008 Landsliðsmenn okkar Örn Valdimarsson og Sigurþór Jóhannesson taka þátt í Evrópumeistaramótinu í haglabyssu, sem haldið er á Kýpur dagana 5. til 14.júlí n.k.

30.jún.2008 Um næstu helgi fer fram Landsmót STÍ í skeet á Akureyri. Félög þurfa að skrá keppendur sína í síðasta lagi annað kvöld, þriðjudagskvöld.

30.jún.2008 Úrslit SÍH-Open eru nú komin inn á úrslitasíðuna.

26.jún.2008 Um helgina fer fram SÍH-Open í skeet. Mótið er haldið á velli SÍH í Hafnarfirði. Nánar á www.sih.is

14.jún.2008 Úrslit Landsmótsins á Akureyri eru komin á úrslitasíðuna

13.jún.2008 Landsmót STÍ í Skeet-haglabyssu fer fram á skotsvæði Skotfélags Akureyrar í Glerárdal á morgun laugardag og hefst kl.10:00

7.jún.2008 Úrslit mótsins á Álfsnesi eru komin hérna og eins birtast nokkrar myndir hérna.

4.jún.2008 Tímatafla og riðlaskipting mótsins á laugardaginn er komin hérna.

3.jún.2008 Í kvöld lýkur skráningarfresti á landsmót STÍ í skeet sem haldið verður hjá Skotfélagi Reykjavíkur á Álfsnesi á laugardaginn kemur.

27.maí.2008 Innigreinatímabilinu lauk í kvöld með Opna Reykjavíkurmótinu í Loftbyssugreinunum. Mótið var haldið í Egilshöllinni og eru úrslitin komin hérna og eins má sjá mynd frá mótinu hérna.

23.maí.2008 Úrslit Skeet mótsins um síðustu helgi eru nú komin hérna.

22.maí.2008 Síðasta mót tímabilsins verður haldið í Egilshöllinni á þriðjudaginn, Opna Reykjavíkurmótið í loftbyssugreinunum og lýkur þar með innigreinatímabilinu.

22.maí.2008 Úrslit úr Akranesmótinu í loftbyssu eru komin hérna. og eins eru örfáar myndir hérna

20.maí.2008 Jæja, þá kom þetta 94+97+95 eða alls 563 stig ! Enn og aftur nær Ásgeir Ólympíulágmarkinu sem er einmitt 563 stig, þó ekki sé pláss í lengur í Peking. Flott hjá Ásgeiri.

20.maí.2008 Hrinurnar koma hér 93 + 91 + 93 (sjöa og tvær áttur) hann er greinilega langt frá sínu besta formi. Nú er bara að spýta í lófana og klára seinni þrjár með stæl.

20.maí.2008 Ásgeir er í fyrri riðlinum á World Cup í Munchen og byrjar hann að skjóta kl.6:30 að ísl.tíma. Fréttaritari okkar er á staðnum og færir okkur fréttir af framvindu mála.

17.maí.2008 Akranesmótið í loftbyssu fer fram n.k.miðvikudag í íþróttahúsinu.

17.maí.2008 Landsmótinu í Skeet í Þorlákshöfn ætti nú að vera lokið og er beðið úrslita þaðan. Frést hefur að Gunnar Gunnarsson hafi sigrað, Sigurþór Jóhannesson orðið í öðru sæti og Örn Valdimarsson í því þriðja. Skorin eru ekki komin.

17.maí.2008 Skotþingi er nú lokið. Þingstörf gengu eftir áætlun og var Halldór Axelsson einróma kjörinn formaður sambandsins. Fundargerð þingsins verður birt hér á síðunni innan skamms. Nokkrar myndir frá þinginu eru hérna. Axel Sölvasyni og Jóhannesi Christensen var veitt gullmerki sambandsins fyrir áratugastörf í þágu skotíþrótta. Jón S.Ólason flutti skýrslu stjórnar og Guðmundur Kr.Gíslason skýrði reikninga þess. Nokkrum aðilum var veitt viðurkenning fyrir sett Íslandsmet. Friðrik Einarsson úr framkvæmdastjórn ÍSÍ flutti þingheimi kveðjur stjórnar ÍSÍ og fór vinsamlegum orðum um starfsemi okkar.

17.maí.2008 Úrslit úr Christensenmótinu eru komin hér og eins nokkrar myndir hérna.

14.maí.2008 SKOTÞING, ársfundur Skotíþróttasambandsins, verður haldið á laugardaginn í Íþróttamiðstöðinni í Laugardal og hefst kl.11:00

14.maí.2008 Opna Christensen mótið í Loftbyssu fer fram í Egilshöllinni í kvöld og hefst það kl.18:00.

14.maí.2008 Loftskammbyssuskyttan Ásgeir Sigurgeirsson tekur þátt í Heimsbikarmóti ISSF sem fer fram í Munchen í Þýskalandi í næstu viku. Hann keppir á þriðjudaginn.

14.maí.2008 Landsmót í Skeet-haglabyssu fer fram á velli Skotíþróttafélags Suðurlands á laugardaginn.

27.apr.2008 Meistarinn okkar í loftskammbyssunni, Ásgeir Sigurgeirsson, var í sjónvarpsvitðtali í dag og verður viðtalið væntanlega sýnt í Helgarsportinu á Ríkissjónvarpinu mánudagskvöldið 28.apríl eftir seinni fréttir kl. 22

26.apr.2008 Íslandsmótinu í 60sk riffli lauk í dag. Íslandsmeistari karla varð Guðmundur Helgi Christensen með 583 stig en Arnfinnur Jónsson hafnaði í 2.sæti á 582 stigum. Jórunn Harðardóttir varð Íslandsmeistari kvenna á nýju Íslandsmeti 570 stig. Skúli Sigvaldason varð Íslandsmeistari unglinga. Í liðakeppninni varð sveit Skotfélags Reykjavíkur meistari með 1703 stig en sveit Skotfélags Kópavogs varð rétt á eftir með 1701 stig. Sveit Skotfélags Reykjavíkur var skipuð þeim Guðmundi Helga og Jórunni ásamt Eyjólfi Óskarssyni. Úrslitin eru komin á úrslitasíðuna og einnig eru að koma myndir inná www.flickr.com/photos/gummigisla

24.apr.2008 STÍ hefur nú staðfest unglingamet sem Skúli Sigvaldason (1988) úr Skotfélagi Kópavogs setti í vetur. Það fyrra 24.nóv.2007 og svo jafnaði hann það 12.jan.2008, hvort tveggja á Landsmótum STÍ. Óskum við Skúla til hamingju með þessi met.

24.apr.2008 Á laugardaginn verður Íslandsmótið í 60sk liggjandi, sem margir þekkja sem enskur riffill. Mótið fer fram í Digranesi í Kópavogi og hefst kl.10

19.apr.2008 Hér er mynd af keppendum á Landsmótinu í Skeet í Hafnarfirði og úrslitin eru komin hérna.

19.apr.2008 Ásgeir Sigurgeirsson úr Skotfélagi Reykjavíkur setti glæsileg Íslandsmet í Loftskammbyssu á Íslandsmótinu í dag. Hann skaut 579 stig í undankeppninni en fyrra metið var 576 stig og bætti svo um betur í úrslitunum og skaut alls 677,4 stig sem er einnig nýtt íslenskt met. Þetta skor nægir til að tryggja sér sæti á flestum stóru mótunum í heiminum í dag. Annars eru úrslit mótsins komin á úrslitasíðuna. Myndir frá mótinu eru komnar hérna. Nánr um mótið á heimasíðu Skotfélags Reykjavíkur sem hélt mótið.

18.apr.2008 Riðlarnir á Landsmóti STÍ, sem haldið er á morgun á Iðavöllum í Hafnarfirði, í Skeet-haglabyssu eru komnir hérna. Úrslit hefjast kl. 17:45

18.apr.2008 ISSF var að tilkynna hvaða þjóðir fengju uppbótarsæti á Ólympíuleikana í Peking og erum við því miður ekki á þeim lista. Við áttum möguleika á að fá pláss fyrir Ásgeir Sigurgeirsson en það heppnaðist ekki í þetta sinn.

16.apr.2008 Riðlaskipting á Íslandsmótinu í Loftbyssu á laugardaginn er komin hérna. Úrslit hefjast kl. 14:15

15.apr.2008 Christensen-mótinu í Loftbyssugreinunum hefur verið frestað til miðvikudagsins 14.maí.

14.apr.2008 Fyrsta Landsmót sumarsins í Skeet verður í Hafnarfirði á laugardaginn kemur. Skráningu á mótið lýkur annað kvöld.

14.apr.2008 Úrslit í Sportbyssu á sunnudaginn urðu þau að Karl Kristinsson sigraði með 553 stig og Guðbjörg Elva Jónasardóttir varð í öðru sæti með 528 stig. Úrslitin eru komin á úrslitasíðuna og eins nokkrar undir liðnum Ljósmyndir hér til vinstri á síðunni.

13.apr.2008 Á laugardaginn um næstu helgi fer fram Íslandsmótið í loftbyssugreinunum. Mótið fer fram í Egilshöllinni. Skráningu á mótið lýkur á þriðjudagskvöldið.

13.apr.2008 Úrslit í Stöðluðu skammbyssunni á laugardaginn eru komin inná úrslitasíðuna. Karl Kristinsson úr Skotfélagi Reykjavíkur varð Íslandsmeistari í karlaflokki og Guðbjörg Elva Jónasardóttir í kvennaflokki. þess má geta að Guðbjörg kom gagngert frá Noregi til keppninnar.

10.apr.2008 Um helgina verða tvö Íslandsmót í gangi, í Staðlaðri Skammbyssu og Sportskammbyssu. Bæði mótin eru haldin í Digranesi.

10.apr.2008 SKOTÞING 2008 verður haldið í Íþróttamiðstöðinni í Laugardal, sal E, laugardaginn 17.maí n.k. Fundarboð verða send til aðildarfélaga í næstu viku.

29.mar.2009 Íslandsmótið í Frjálsri skammbyssu fór fram í Egilshöllinni í vikunni og sigraði Ásgeir Sigurgeirsson með 526 stig. Úrslitin eru hérna.

8.mar.2008 Bikarmótið í Loftskammbyssu fór fram í dag og eru úrslitin komin hér og myndir frá mótinu hérna. Ásgeir Sigurgeirsson úr Skotfélagi Reykjavíkur varð Bikarmeistari.

8.mar.2008 Fréttir voru að berast um að brotist var inn hjá landsliðsmanni okkar í Haglabyssu, Sigurþóri Jóhannessyni og stolið m.a. keppnisbyssu hans sem er af gerðinni Beretta DT-10, sérsmíðuð sérstaklega fyrir hann. Einnig var keppnistösku hans stolið með vestum,gleraugum ofl.búnaði. Tjónið er mikið og afar mikilvægt að hafa uppá gripnum sem allra fyrst því landslið okkar er í æfingaprógrammi núna fyrir mót sumarsins. Sérsmíðuð byssa einsog þessi fæst ekki nema með löngum fyrirvara og því hætta á að keppnistímabilið sé ónýtt hjá Sigurþóri. Þeir sem geta gefið einhverjar upplýsingar um byssuna geta látið skrifstofu STÍ vita af því í síma 893-1231.

29.feb.2008 Skoða má nánar hvernig úrsitin fóru á heimasíðu keppninnar hérna. Undankeppninni lýkur kl.16:00

29.feb.2008 kl.15:28 Lokasería 97 stig !! og endar í 563 sem er Ólympíulágmarkið !! Frábært, segiði svo að kallinn geti ekki unnið sig útúr vandamálum. Þetta gerir ekkert annað en að styðja okkur í vinnunni við að koma Ásgeiri á næstu Ólympíuleika.

29.feb.2008 kl.15:19 Fimmta sería 95 stig

29.feb.2008 kl.15:12 Fjórða sería 94.. fyrstu fjórar því 371 stig en hann hefur verið að ná alltað 388 tsigum útúr 4 seríum að undanförnu..

29.feb.2008 kl.15:10 Tölvubúnaðurinn hefur verið að hrekkja kallinn...

29.feb.2006 kl.15:08 Önnur hrina endaði í 96 og sú þriðja í 90. Hann er greinilega ekki í sínum besta gír en spennandi að sjá seinni þrjár seríurnar..

29.feb.2008 kl. 15:05 Ásgeir er búinn að þurrskjóta síðustu mínútur til að jafna sig á fyrstu hrinunni og er nú byrjaður á hrinu 2. Kominn með 10 10 9 9 .....

29.feb.2008 Fyrsta 10 skota hrina komin, 91 Ekki alveg nógu gott, hlýtur að vera að sálast úr stressi.....

29.feb.2008 kl. 14:16 10 mínútna undirbúnings tími stendur nú yfir.

29.feb.2008 Keppendur í Loftskammbyssunni eru 68 talsins og er Ásgeir fjórði yngsti keppandinn á mótinu. Flestir bestu skotmenn heims eru meðal keppenda og því við ramman reip að draga.

29.feb.2008 kl. 13:58 Keppnin hjá Ásgeiri byrjar nú eftir korter. Við reynum að koma skorinu til skila jafnóðum og það berst í stúdíóið !

28.feb.2008 Ásgeir tók formlega æfingu í loftskammbyssunni, fyrir aðalkeppnina á morgun á EM í Sviss, í dag. Honum gekk afar vel og lofar það góðu fyrir morgundaginn.

25.feb.2008 Til umræðu hefur verið breyting á reglum um Íslandsmeistara og Bikarmeistara og mun stjórn STÍ senda þessar tillögur til aðildarfélaganna innan skamms og kanna viðbrögð og fá tillögur um það sem betur mætti fara.

21.feb.2008 Á stjórnarfundi STÍ í dag var ákveðið að senda aðildarfélögum STÍ lista yfir þau atriði sem æskilegt er að leggja áherslu á, að mati stjórnar, í nefndarstarfinu vegna endurskoðunar vopnalaganna og eins óska eftir hugmyndum félaganna til breytinga. Verið er að vinna tillögurnar og sendum við þær út um helgina.

21.feb.2008 Öll úrslit landsmótanna eru nú komin inná úrslitasíðuna.

18.feb.2008 Á aðalfundi SÍH, SKotíþróttafélags Hafnarfjarðar, var kosinn nýr formaður, Ástþór Helgason. Ferdinand Hansen sem verið hefur formaður í fjölda ára lét nú af störfum og bauð sig ekki fram til endurkjörs. Við óskum nýkjörnum formanni alls hins besta og vonumst eftir góðu samstarfi eins og við forvera hans. Jafnframt þökkum við Ferdinand fyrir ánægjulegt samstarf hin síðari ár og óskum honum velfarnaðar í hans verkum.

16.feb.2008 Landsmótinu í loftbyssugreinunum er nú lokið og eru úrslit komin hérna. Ásgeir Sigurgeirsson úr Skotfélagi Reykjavíkur gerði sér lítið fyrir og jafnaði Íslandsmetið í loftskammbyssu fyrir úrslit, 576 stig. Í úrslitunum (finalnum) gerði hann svo enn betur og setti nýtt glæsilegt Íslandsmet með alls 676,3 stig ! Hannes Tómasson sem átti fyrra metið hafnaðí í öðru sæti og svo Guðmundur Kr Gíslason í því þriðja. Þetta er gott veganesti fyrir Ásgeir til Sviss en þar keppir hann á Evrópumeistaramótinu þann 29.febrúar n.k. Myndir frá mótinu eru einnig komnar hérna.

14.feb.2008 Um helgina eru tvö landsmót á dagskrá. Í Egilshöllinni verður keppt í loftskammbyssu og loftriffli á laugardaginn kl. 10 og 12. Í Digranesi er keppt í 60sk liggjandi riffli á sunnudeginum og hefst keppnin þar kl.10. Riðlaskipting laugardagsins er komin og er hún hérna.

8.feb.2008 Dómsmálaráðuneytið hefur skipað nefnd sem undirbúa skal gerð nýrra Vopnalaga. STÍ hefur skipað Jón S. Ólason sem fulltrúa skotíþróttahreyfingarinnar í nefndinni. Aðildarfélögin eru hvött til að koma óskum sínum um breytingar, sem snerta íþróttaskotfimi til stjórnar. Við munum vinna úr þeim og koma þeim áleiðis til nefndarinnar.

6.feb.2008 Úrslit úr landsmótinu í Frjálsri skammbyssu sem fram fór í Egilshöllinni í kvöld eru komin á úrslitasíðuna. Ásgeir Sigurgeirsson sigraði þar á sínu fyrsta móti í þessari grein.

5.feb.2008 Formaður STÍ, Steinar Einarsson hefur látið af störfum af persónulegum ástæðum. Varaformaðurinn, Halldór Axelsson, hefur tekið við stöðu hans sem formaður og jafnframt hefur Jón S.Ólason tekið sæti sem aðalmaður í stjórn STÍ, en hann var fyrsti varamaður. Stjórn STÍ vill notað þetta tækifæri og þakka Steinari fyrir frábært samstarf og óskar honum alls hins besta.

22.jan.2008 Mótaskrá haglabyssu 2008 er nú komin út og er hún hérna á mótaskrársíðunni.

19.jan.2008 Landsmótinu er nú lokið og eru úrslit komin á úrslitasíðuna og nokkrar myndir hérna.

17.jan.2008 Landsmót í loftbyssugreinunum verður haldið í Egilshöllinni á laugardaginn kemur.

16.jan.2008 Úrslit frá síðustu helgi eru komin á úrslitasíðuna.

12.jan.2008 Í dag fór fram Landsmót í 60sk liggjandi riffli í Kópavogi. Arnfinnur Jónsson sigraði með 584 stig en í öðru sæti varð unglingurinn Skúli Sigvaldason með 579 stig sem jafnframt er nýtt Íslandsmet unglinga !! Mótaskýrslan hefur reyndar ekki enn borist STÍ og því er þetta birt með fyrirvara.

8.jan.2008 Á síðasta ári voru 2 skotíþróttamenn teknir í lyfjapróf. Það voru nýkjörnir skotíþróttamenn ársins þau Jórunn Harðardóttir og Ásgeir Sigurgeirsson. Engin efni á bannlista fundust í sýnum þeirra.

29.des.2007 Þá er Kópavogsmótinu lokið og sigraði Ásgeir Sigurgeirsson í Loftskammbyssu karla með yfirburðum með 569 stig en í öðru sæti varð Guðmundur Kr Gíslason með 540 stig. Mjög ánægjulegt var að sjá Tómas Viderö enda í 3ja sæti með 539 stig en hann var að keppa á sínu fyrsta loftskammbyssumóti. Í Loftriffli sigraði Arnfinnur Jónsson með 547 stig en hæla hans með 546 stig kom Guðmundur H. Christensen. Nánar um úrslit hérna og svo myndir frá mótinu hérna.

28.des.2007 Opna Kópavogsmótið í Loftbyssugreinunum verður haldið Laugardaginn 29.desember 2007 og hefst það kl. 10:00. Mótið er haldið í aðstöðu SFK í Digranesi. Á mótinu verður í fyrsta skipti á Íslandi keppt með tölvustýrðum skotskífum í loftbyssu. Sú tækni er nú að yfirtaka öll skotmót í heiminum í dag. Líklegt er að keppt verði í þremur riðlum, kl. 10:00, 12:00 og 14:00. Ef svo fer, má reikna með að mótinu ljúki kl. 16:00

28.des.2007 Jórunn Harðardóttir og Ásgeir Sigurgeirsson úr Skotfélagi Reykjavíkur, voru valin sem Skotíþróttamenn ársins af STÍ árið 2007. Voru þeim veittar viðurkenningar í hófi sem haldið var á Grand Hótel í kvöld, þar sem lýst var kjöri Íþróttamans ársins.

15.des.2007 Landsmót í 60sk liggjandi riffli var haldið í Kópavogi nú í morgun. Arnfinnur Jónsson sigraði með 584 stig af 600 mögulegum. Það er aðeins 3 stigum frá Ólympíulágmarki. Úrslit eru á úrslitasíðunni og eins nokkrar myndir á myndavefnum. Á mótinu var í fyrsta skipti keppt með tölvuskotmörkum, en Skotfélag Kópavogs fékk þannig búnað fyrr á árinu og er nú að ljúka við uppsetningu búnaðarins. Þannig búnaður er nú að taka við af gömlu pappaskífunum í markskotfimi.

8.des.2007 Landsmótinu er nú lokið og urðu helstu úrslit þau að í Loftsskammbyssu í karlaflokki sigraði Ásgeir Sigurgeirsson með 567 stig, en Guðmundur Kr. Gíslason varð annar með 558 stig. Á hæla hans kom svo Hannes Tómasson með 557 stig. Í kvennaflokki sigraði Jórunn Harðardóttir í loftskammbyssu. Í loftriffli karla sigraði Guðmundur Helgi Christensen með 551 stig. Úrslit í heild sinni eru á úrslitasíðunni. Einnig eru komnar nýjar myndir frá mótinu hérna

7.des.2007 Landsmót í loftbyssugreinunum verður haldið í Egilshöllinni í fyrramálið.

25.nóv.2007 Úrslit í Staðlaðri skammbyssu eru komin inná úrslitasíðuna. Karl Kristinsson sigraði og Tómas Viderö varð annar.

24.nóv.2007 Fyrsta mót vetrarins í Staðlaðri skammbyssu verður haldið í fyrramálið í Digranesi.

24.nóv.2007 Úrslit úr mótinu í morgun liggja nú fyrir. Arnfinnur Jónsson sigraði í karlaflokki með 585 stig sem er aðeins 2 stigum frá Ólympíulágmarki. Í unglingaflokki sigraði Skúli Sigvaldason með 579 stig sem er hans besti árangur. Úrslit í heild sinni eru á úrslitasíðunni og eins eru nokkrar myndir frá mótinu hérna.

23.nóv.2007 Landsmót í 60sk liggjandi riffli verður haldið í Egilshöllinni í fyrramálið og hefst kl.10

17.nóv.2007 Þá er landsmótinu lokið og urðu helstu úrslit þau að í karlaflokki sigraði Ásgeir Sigurgeirsson með 568 stig, sem er 5 stigum yfir Ólympíulágmarki, en Guðmundur Kr. Gíslason varð annar með 550 stig. Í kvennaflokki sigraði Jórunn Harðardóttir bæði í loftskammbyssu sem og loftriffli. Í loftriffli karla sigraði Guðmundur Helgi Christensen með 560 stig. Úrslit í heild sinni eru á úrslitasíðunni. Einnig eru komnar nýjar myndir frá mótinu hérna

13.nóv.2007 Landsmót í loftskammbyssu og loftriffli verður haldið í Egilshöllinni á laugardaginn kemur.

22.okt.2007 Landsmóti í 60sk sem halda átti á laugardaginn í Digranesi, hefur verið frestað til 15.desember n.k. Skráningarfrestur framlengist sem því nemur.

20.okt.2007 Fyrsta mót vetrarins var haldið hjá Skotfélagi Reykjavíkur í Egilshöllinni í morgun. Úrslit mótsins eru komin á úrslitasíðuna. Ásgeir Sigurgeirsson úr SR sigraði í loftskammbyssu með 560 stig en Guðmundur H.Christensen einnig úr SR, í loftriffli aðeins einu stigi frá Íslandsmeti sínu.

11.okt.2007 Mótaskrá vetrarins er komin út og hefst þar með keppnistímabilið með fyrsta mótinu þann 20.október í loftbyssugreinunum.

16.sep.2007 Sigurþór Jóhannesson varð Bikarmeistari STÍ í Haglabyssu-Skeet árið 2007 með 58 stig, eftir harða keppni við Bjarna V. Jónsson sem hlaut 56 stig. Þeir voru jafnir að stigum fyrir lokamótið í dag, sem Örn Valdimarsson sigraði en Sigurþór varð í 2.sæti sem nægði honum til sigurs í heildarkeppni keppnistímabilsins. Úrslit eru komin á úrslitasíðuna og eins eru myndir frá mótinu komnar hérna.

14.sep.2007 Bikarmótinu í Skeet er FRESTAÐ TIL SUNNUDAGS !

12.sep.2007 Bikarmeistaramót STÍ í skeet verður haldið á laugardaginn á velli SFS í Þorlákshöfn. Skráðir eru til leiks 13 keppendur frá SFS, SÍH, MAV og SR. Staðan til Bikarmeistaratitils er hérna. Sigurþór Jóhannesson og Bjarni V.Jónsson eru jafnir með 44 stig en þar á eftir kemur Gunnar Gunnarsson með 36 stig.

9.sep.2007 Örn endaði á 21 og alls 107 stigum.

9.sep.2007 Sigurþór skaut 21 og 23 í morgun eða alls 112, aðeins 2 stigum frá ÓL-lágmarkinu. Örn skaut fyrri hringinn á 23 en seinni er í gangi.

8.sep.2007 Úrslitin (finalinn) í Skeet á morgun verða sýnd beint á netinu á morgun og hefjast þau kl.12:30 að okkar tíma. Heimasíða Alþjóða Skotíþróttasambandsins ISSF er hérna.

8.sep.2007 Þá er fyrri keppnisdegi lokið á Kýpur. Örn skaut 21+24+18 eða alls 63 dúfur en Sigurþór 21+23+24 og alls 68 dúfur. Seinni tveir hringirnir verða svo skotnir á morgun. Aðstæður eru þannig að það er vel hlýtt eða tæplega 40 stiga hiti og hvasst.

7.sep.2007 Okkar menn skjóta 75 leirdúfur á morgun og munum við birta skorin um leið og þau berast. Seinni 50 verða svo skotnar á sunnudaginn og 6 manna úrslit strax þar á eftir.

2.sep.2007 Landsliðsmenn okkar í Skeet-haglabyssu, Örn Valdimarsson og Sigurþór Jóhannesson ásamt landsliðseinvaldinum Halldóri Axelssyni, héldu utan í morgun, til þátttöku á Heimsmeistaramótinu sem fram fer á Kýpur nú í vikunni. Við munum birta fréttir jafnóðum og þær berast.

26.ág.2007 Þá eru myndirnar frá Íslandsmótinu komnar á myndasíðuna.

26.ág.2007 Þá er Íslandsmótinu í Skeet lokið og eru úrslitin komin á úrslitasíðuna. Bjarni Viðar Jónsson úr SÍH varð Íslandsmeistari eftir bráðabana í úrslitunum gegn félaga sínum úr SÍH, Örn Valdimarsson. Hákon Juhlin Þorsteinsson úr SÍH, varð Íslandsmeistari unglinga og í liðakeppninni vann A-lið SÍH titilinn. Myndir frá mótinu koma inn seinna í kvöld en verið er að vinna þær.

25.ág.2007 Nokkrar myndir frá mótinu í dag eru nú komnar á netið og eru hérna.

25.ág.2007 Þá er fyrri keppnisdegi á Íslandsmótinu í Skeet lokið og er staðan hérna. Bjarni V.Jónsson er efstur með 65 stig af 75 mögulegum. Á hæla hans með 63 stig er Örn Valdimarsson og svo í því þriðja jafnir að stigum með 62 stig þeir Alfreð Karl Alfreðsson og Sigurþór Jóhannesson. Veðrið hefur aðeins verið að hrella skotmenn en í dag hefur verið hvöss norðvestan átt 10-14 m/sek en bjart og rigningarlaust og 13 stiga hiti.

24.ág.2007 Riðlaskipting mótsins á morgun er komin hérna.

24.ág.2007 Keppendalisti á Íslandsmótinu í Skeet um helgina liggur nú fyrir hérna. Mótið hefst á laugardaginn kl.10 en lýkur á sunnudeginum með úrslitum (final) kl. 14:45. Keppendur eru 19 talsins. Þetta er fyrsta mótið sem haldið er á þessu nýja skotsvæði í Reykjavík.

18.ág.2007 Komin er staðfesting frá Skotfélagi Reykjavíkur um að Íslandsmótið um næstu helgi verður haldið á einum velli í Álfsnesi. Heilbrigðiseftirlit Reykjavíkur hefur gefið leyfi fyrir mótinu og mun í leiðinni mæta á svæðið og taka mælingar á hávaða í nágrenninu. Skráningarfresti fyrir mótið lýkur á þriðjudagskvöldinu en stefnt er að því að æfingar keppenda verði á fimmtudag og föstudag. SR mun auglýsa það nánar á heimasíðu sinni, www.sr.is Það er einnig áréttað í tilkynningunni að ekki verði um neinar aðrar æfingar að ræða en þær sem keppendur á umræddu móti þurfa á að halda.

10.ág.2007 Reykjavíkurmótinu í Skeet-haglabyssu, sem átti að halda á nýja svæðinu á Álfsnesi um næstu helgi hefur ferið frestað um óákveðinn tíma.

31.júl.2007 Úrslitin á landsmótinu um helgina eru komin á úrslitasíðuna. Pétur Gunnarsson sigraði á 113+22 stigum sem er aðeins 1 stigi frá ÓL lágmarki en Pétur var fastamaður í landsliði Íslands þar til hann snéri sér að háskólanámi sem hann lýkur á næstu 2 árum. Í öðru sæti varð landsliðsmaður okkar, Sigurþór Jóhannesson á 110+23 stigum aðeins einu stigi á eftir Pétri.

23.júl.2007 Um næstu helgi fer fram landsmót í haglabyssu-skeet á velli Skotfélgasins Markviss á Blönduósi. Skráningu lýkur annað kvöld.

23.júl.2007 Þá er Evrópumeistaramótinu í Granada á Spáni lokið og má skoða nánar ágætan árangur okkar manna hérna.

1.júl.2007 Fréttir eru nú að berast frá framleidendum skota að blýverð hefur hækkað gríðarlega á undanförnum mánuðum og er nú svo komið að t.d. haglaskot eru orðin ódýrari með stálhöglum heldur en blýhöglum ! Fylgst verður gaumgæfilega með þessari þróun en hún hefur mikil áhrif á útgjöld skotíþróttamanna til hins verra.

1.júl.2007 Framundan er Evrópumeistaramót í haglabyssu og munu tveir íslenskir keppendur, Sigurþór Jóhannesson og Örn Valdimarsson, halda uppi heiðri Íslands á því móti. Keppnin fer fram í Granada á Spáni og er keppnin í Skeet 17.-20.júlí.

1.júl.2007 Uppfærð staða keppenda á þessu ári er hérna og má þar sjá hvar menn eru staddir í flokkum og meðaltali.

1.júl.2007 Myndir frá úrslitunum á SÍH-Open eru komnar hérna , en Gunnar Gunnarsson úr SFS sigraði í A-flokki og Jóhann Norðfjörð í B-flokki, einnig úr SFS. Lokatölur eru á úrslitasíðunni . Eins má lesa um keppnina á heimasíðu SÍH

30.jún.2007 Nokkrar myndir frá SÍH-open eru hérna en einnig eru upplýsingar um stöðu á heimasíðu SÍH

27.jún.2007 Um helgina fer fram SÍH-Open í skeet á velli SÍH í Hafnarfirði. Mótið fer fram bæði laugardag og sunnudag en nánari fréttir af því eru á heimsíðu þeirra hérna.

27.jún.2007 Formaður og gjaldkeri STÍ áttu fund með dómsmálaráðherra í morgun um skattlagningu á skotíþróttamenn við flutning á tækjum sínum milli landa og stungum við þar uppá að ráðherra beitti sér fyrir upptöku Evrópuskotvopnapassa sem notaður er í öllum löndum Evrópu. Viðræðurnar voru afar gagnlegar og var víða komið við sem vafalítið mun skila sér í framtíðinni.

20.jún.2007 Flokkamerki STÍ eru nú komin og geta menn nálgast þau á þessari síðu. Félagsmerki STÍ er einnig komið.

17.jún.2007 Sigurþór Jóhannesson sigraði á Landsmótinu á Akureyri í gær. Nánari upplýsingar um mótið eru hérna.

14.jún.2007 NÝTT HEIMSMET í SKEET !! Hinn 18 ára gamli Skeet skotmaður frá BNA, Vincent Hancock var að sigra í dag á heimsbikarmóti í Lonato á Ítalíu með því að skjóta á nýju heimsmeti 125 dúfur í undankeppninni og svo allar 25 dúfurnar í úrslitunum og enda á fullkomnu skori, 150 af 150 mögulegum. Í öðru sæti varð góðkunningi okkar manna, George Achilleos frá Kýpur og svo í þriðja sæti Norðmaðurinn Harald Jensen, sem þar með tryggði Norðmönnum sæti á ÓL í Peking á næsta ári.. Enginn íslenskur keppandi var á mótinu. Sjá má video frá úrslitunum á http://www.issf.tv/

10.jún.2007 Um næstu helgi fer fram Landsmót í Skeet-haglabyssu á Akureyri. Mótið er jafnframt afmælismót Skotfélags Akureyrar, sem á 40 ára afmæli á árinu.

10.jún.2007 Fleiri myndir frá þátttöku okkar í Mónakó hérna.

8.jún.2007 Þá eru loksins komnar myndir frá liðinu okkar í Mónakó og má sjá þær hérna.

7.jún.2007 GULLIÐ KOMIÐ Í HÖFN !! ÁSGEIR SIGRAÐI OG ENDAÐI Á 95,6 STIGUM Í ÚRSLITUM OG SAMANLAGT MEÐ 659,6 STIG. ÞORSTEINN ENDAÐI Í 5.SÆTI Á 647,4 STIGUM. Fréttastofu STÍ er lofað myndum frá keppninni í kvöld og verða þær birtar um leið og þær koma.

7.jún.2007 Þá er undankeppni í Loftskammbyssu karla lokið og er Ásgeir Sigurgeirsson í 1.sæti með 564 stig og Þorsteinn Þ.Guðjónsson í 5.sæti. Nú bíðum við eftir úrslitunum en þar keppa 8 efstu keppendurnir úr undankeppninni.

7.JÚN.2007 JÓRUNN ENDAÐI Í 3.SÆTI Á 459,3 SEM ER NÝTT ÍSLANDSMET OG KRISTÍNA Í 8.SÆTI Á 441,2 !! FRÁBÆR ÁRANGUR BRONS SÆTI !!

7.jún.2007 Jórunn Harðardóttir er í 2.sæti fyrir úrslit í loftskammbyssu kvenna í Mónakó með 365 stig! Kristína Sigurðardóttir er á 349 stigum. Úrslitin eða finalinn getur breytt sætaröðun hratt þannig að við bíðum bara spennt að frétta af lokatölum......

6.jún.2007 Guðmundur Helgi Christensen komst í úrslit og hafnaði að lokum í sjöunda sæti á 559+96,7= 655,7 stigum , aðeins tveimur stigum frá Íslandsmeti sínu. Arnfinnur Jónsson endaði sína keppni á 530 stigum en komst ekki í úrslit. Fínn árangur hjá okkar fólki í dag. Á morgun er svo keppt í Loftskammbyssu og fylgjumst við með tölunum þaðan jafnharðan og þær berast.

6.jún.2007 Jórunn skaut 90 stig í síðustu hrinu og endaði á 374 stigum og hafnaði í 10.sæti og komst ekki í úrslit en 8 efstu keppa þar. Guðmundur Helgi og Arnfinnur keppa svo í Loftriffli kl.14 í dag.

6.jún.2007 Þá er keppni hafin í Mónakó og er það Jórunn Harðardóttir sem hóf keppni í Loftriffli og eru skorin að koma, 95 + 95 + 94 + ? Þarf hún því að skjóta 92 stig í síðustu hrinu til að bæta Íslandsmet sitt, sem er 375 stig !!

5.jún.2007 Næsta mót í Skeet-haglabyssu verður á Akureyri 16.júní n.k. en Skotfélag Akureyrar verður 40 ára á árinu og er þetta afmælismót þeirra. Nánar má forvitnast um mótið á heimasíðu SA.

5.jún.2007 Keppni skotmanna á Smáþjóðaleikunum í Mónakó hefst í fyrramálið en þá verður keppt í Loftriffli karla og kvenna. Fylgjast má með úrslitum á heimasíðu leikanna hérna.

5.jún.2007 Landsmótinu í Skeet sem halda átti 2.júní á nýjum velli Skotfélags Reykjavíkur, hefur verið frestað um óákveðinn tíma. Fylgjast má með framvindu mála á sr.is

2.jún.2007 Í fyrramálið heldur okkar besta afreksfólk í loftbyssugreinunum utan til keppni á smáþjóðaleikunum í Mónakó. Við munum fylgjast grannt með þeim og birta hér fréttir af gangi þeirra jafnóðum og þær berast. Keppt er í Loftriffli á miðvikudaginn og í Loftskammbyssu á fimmtudaginn.

1.jún.2007 Mótinu á Álfsnesi hefur verið frestað um a.m.k. eina viku en nánari fréttir af því fáum við eftir helgi.

1.jún.2007 Hvassviðri gæti sett strik í reikninginn á landsmótinu í skeet á morgun. Fylgst verður með veðurspám og tekin ákvörðun um mótahaldið þegar nær dregur en vel gæti farið svo, að fresta verði mótinu framá sunnudag eða fram á næstu helgi. Fylgjast má með veðrinu hérna.

31.maí.2007 Landsmót í Skeet-haglabyssu verður haldið, samkvæmt mótaskrá STÍ, á nýjum skotvelli Skotfélags Reykjavíkur á Álfsnesi á laugardaginn kemur, 2.júní og hefst kl.10:00 og lýkur í kringum kl.17:00. STÍ hefur borist keppendalisti sem er hérna.

30.maí.2007 Reykjavíkurmótið í loftbyssugreinunum var í kvöld haldið í Egilshöllinni. Þar bar hæst árangur Ásgeirs Sigurgeirssonar í loftskammbyssu, 576 stig, en það er jöfnun á gildandi Íslandsmeti sem Ólafur Jakobsson setti árið 1993. Þetta lofar góðu hjá honum fyrir smáþjóðaleikana sem verða í Mónakó dagana 4.-9.júní en Ásgeir er þar meðal keppenda ásamt öðrum landsliðsmönnum okkar einsog sjá má í frétt okkar frá 30.apríl hér að neðan. Annars eru úrslit mótsins eru hérna.

Myndir frá mótinu

24.maí.2007 Fyrsta Akranesmótið í loftbyssugreinunum var haldið í gærkvöldi í Íþróttahúsinu við Vesturgötu. Ágætis þátttaka var og árangur hreint frábær. Úrslitin má finna hérna.

Myndir frá mótinu

21.maí.2007 STÍ hefur með aðstoð ÍSÍ óskað eftir því við ráðherra, að gjöld við útgáfu sérstakra útflutningsheimilda verði lækkað eða fellt niður við ferðir á vegum skotíþróttamanna. Um er að ræða kr. 3,300 sem þarf að greiða fyrir hverja byssu við útflutning. Er þetta eina íþróttagreinin sem býr við skattlagningu íþróttatækja sinna á ferðum til útlanda.

19.maí.2007 Landsmót í Skeet-haglabyssu var haldið í Þorlákshöfn í dag og eru úrslit komin hérna.

10.maí.2007 Akranesmeistaramót í loftskammbyssu og loftriffli verður haldið í íþróttahúsinu Vesturgötu á Akranesi miðvikudaginn 23. maí 2007 og hefst kl 18:00 ( komi til þess að skipta þurfi í riðla hefst keppni kl 17 og væri gott að vita hverjir geta byrjað þá )Mótið er opið öllum og verða veitt verðlaun fyrir annarsvegar heildarmótið ( Einstaklings og liðakeppni skv reglum STÍ ) og hinsvegar einstaklingskeppni fyrir þá sem keppa undir merkjum Í.A. Hlýtur sá og sú sem hæst eru í þeim hópi titilinn Akranesmeistari 2007. Keppt verður með final. Skráningar berist á jon.s.ola@tmd.is ( skráningarfrestur skv. reglum STÍ )

5.maí.2007 Mikil aðsókn var á bás STÍ á veiðisýningunni í Smáralindinni í dag og oft biðröð í að fá að prófa skotbúnaðinn en okkur taldist til að hleypt hafi verið af byssunum tveim sem við notuðum við kynninguna, í yfir eitt þúsund skipti ! Búast má við jafnvel enn meiri ásókn á morgun, sunnudag en sýningin stendur frá kl.13 til 18.

Mynd frá bás STÍ á sýningunni

4.maí.2007 STÍ verður á sýningunni VEIÐI 2007 sem haldin er í Smáralindinni nú um helgina og kynnir þar starfsemi íþróttahreyfingarinnar í kringum skotfimina. Við verðum þar með tölvubúnað sem leyfir fólki að prófa að skjóta af loftriffli og loftskammbyssu.

30.apr.2007 Landslið okkar hefur valið til keppni á Smáþjóðaleikunum sem haldnir verða í Mónakó dagana 4.-9.júní. Aðeins er keppt í loftbyssugreinunum að þessu sinni en búast hefði mátt við milliríkjadeilum ef skotið hefði verið á lengra færi en 10 metrum. Í loftskammbyssu keppa Ásgeir Sigurgeirsson, Þorsteinn Þór Guðjónsson, Kristína Sigurðardóttir óg Jórunn Harðardóttir. Í loftriffli keppa Guðmundur Helgi Christensen, Arnfinnur Jónsson og Jórunn Harðardóttir. Fararstjórn er skipuð þeim Jóni S. Ólasyni og Steinari Einarssyni.

29.apr.2007 Fyrsta Landsmótið í ár, í Skeet haglabyssu, fór fram á laugardaginn í hávaðaroki og eru úrsltin á úrslitasíðunni.

29.apr.2007 Íslandsmótunum í Loftbyssu og 60sk liggjandi riffli er nú lokið. Mótaúrslitin eru á mótaúrslitasíðunni.

15.apr.2007 Íslandsmótin í Sport Skammbyssu og Staðlaðri Skammbyssu fóru fram um helgina. Karl Kristinsson úr Skotfélagi Reykjavíkur varð íslandsmeistari í þeim báðum en í kvennaflokki varð Guðbjörg Elva Jónasardóttir íslandsmeistari í Stðalaðri Skammbyssu en Kristína Sigurðardóttir úr Íþróttafélaginu Leiftra varð meistari í Sport Skammbyssu eftir harða keppni við Guðbjörgu. Fresta varð Íslandsmóti í Þríþraut.

31.mar.2007 Skotþing var haldið í dag og mættu 28 fulltrúar frá 8 íþróttabandalögum og héraðssamböndum. Þingforseti var kjörinn Axel Sölvason, sem ávallt er reiðubúinn að ljá skothreyfingunni krafta sína þegar leitað er eftir því, en Axel var um áratugaskeið okkar eini alþjoðlegi dómari.

Steinar Einarsson var endurkjörinn formaður sambandsins til eins árs, einnig voru Halldór Axelsson, Kjartan Friðriksson og Páll Reynisson kosnir til setu í stjórn og varastjórn til næstu tveggja ára. Áfram sitja í stjórn Guðmundur Kr Gíslason, Jóhann Norðfjörð og Jóns S. Ólason. Fulltrúar úr framkvæmdastjórn ÍSÍ , Friðrik Einarsson og Ingibjörg Bergrós Jóhannesdóttir mættu á þingið ásamt forseta ÍSÍ, Ólafi E. Rafnssyni.

Þingið gekk afar vel fyrir sig og voru gerðar nokkrar breytingar á lögum þess sem og var ný íþróttagrein tekin inní sambandið, "100 metra running target" en það er riffilkeppni þar sem skotið er úr stórum rifflum með alltað 8mm hlaupvídd á hreyfanlegt skotmark á 100 metra færi en nálgast má reglurnar hér. Myndir frá þinginu eru komnar á netið. Þinggerðin verður svo birt í heild sinni hér á síðunni þegar þingritari og þingforseti hafa lokið henni til birtingar.

31.mar.2007 Þessa dagana er staddur hér á landi enski Skeet-þjálfarinn Allen Warren og er hann hér á kostnað nokkurra áhugasamra skotmanna og veitir þeim einkaþjálfun bæði í Hafnarfirði sem og í Þorlákshöfn.

26.mar.2007 Skotíþróttaþing verður haldið í Íþróttamiðstöðinni í Laugardal á laugardaginn kemur og hefst það kl.12:00. Rétt til setu eru fulltrúar aðildarfélaga STÍ samkvæmt kjörbréfum. Eins eiga fulltrúar íþróttahreyfingarinnar rétt til setu skv.lögum STÍ.

23.mar.2007 Úrslit síðustu móta komin á úrslitasíðuna.

17.mar.2007 Til að auðvelda samanburð á milli skotgreina og þá hvað Ásgeir var að skjóta miðað við t.d. haglabyssugreinina Skeet þá eru 572 stigin sambærileg við að skjóta rúmar 120 leirdúfur af 125

17.mar.2007 Heimasíða Evrópumótsins er hérna: http://www.fftir.asso.fr/index.php?champ_id=375&result=1

17.mar.2007 Bikarmót í 60sk liggjandi riffli fer nú fram í Egilshöllinni í Reykjavík.

16.mar.2007 Nýjar myndir frá mótinu voru að koma frá Frakklandsförunum og eru þær á ljósmyndasíðunni

16.mar.2007 Þá er ljóst að Ásgeir hafnaði í 34.sæti af 79, sem er aldeilis frábært hjá honum.

16.mar.2007 Fjórða og síðasta hrina 95 stig og því alls 369 stig sem er fínt en Ólympíulágmarkið er 375 stig og því alls ekki langt frá því, hefði þurft að gera aðeins betur í fyrstu tveimur umferðunum en það kemur bara næst. Nánari fréttir síðar.

16.mar.2007 Þriðja hrina 94 stig hjá Jórunni

16.mar.2007 Þá er Jórunn byrjuð í Loftriffilkeppninni og er hún hálfnuð með 89 og 90 stig, greinilega ekki uppá sitt besta en enn eru tvær hrinur eftir.

16.mar.2007 Kl.14:44 97 í síðustu eða 572 stig alls, frábært. Íslandsmetið stóðst áhlaupið en samt einhver besti árangur Íslendings í skotfimi á erlendum vettvangi frá upphafi , virkilega ánægjulegt og ekki síst í ljósi þess að þetta er í fyrsta skipti sem Ásgeir keppir á svona stóru alþjóðlegu móti , hreint út sagt frábært !!! Þess má geta að þar með náði Ásgeir Ólympíulágmarkinu og vel það, sem er 563 stig og opnst þá möguleikar Íslands að senda keppanda á ÓLympíuleikana í Peking á næsta ári !!!

16.mar.2007 Kl.14:30 Fimmta hrina komin 93 stig !!+

16.mar.2007 Kl.14:18 Fjórða hrina komin hjá Ásgeiri, 96 !!! eða 382 stig alls, frábært.

16.mar.2007 Kl.14:10 Þá er Evrópumótið hafið í Frakklandi í loftbyssugreinunum og er Ásgeir Sigurgeirsson að keppa þessar mínúturnar (kl.14:10) Honum gengur súpervel og eru fyrstu þrjár hrinurnar af sex, hjá honum 93+96+97 stig en með sama áframhaldi getur Íslandsmetið verið í hættu en það er 576 stig af 600 mögulegum. Ásgeir er aðeins 21 árs gamall og árangur hans því afburðagóður. Jórunn Harðardóttir keppir svo í Loftriffli kvenna síðar í dag.

12.mar.2007 Á miðvikudaginn kemur halda utan til keppni á Evrópumeistaramótið í Frakklandi í loftbyssugreinunum þau Ásgeir Sigurgeirsson í loftskammbyssu og Jórunn Harðardóttir í loftriffli. Við munum birta hér fréttir af þeim jafnóðum og þær berast.

12.mar.2007 Bikarmótunum í loftbyssugreinunum lauk um helgina og eru úrslit hér.

18.feb.2007 Landsmóti í 60sk liggjandi er nú lokið í Egilshöllinni en Skotfélag Reykjavíkur sá um mótahaldið. Úrslit eru komin og myndir hérna.

17.feb.2007 Í dag fór fram Landsmót í loftbyssugreinunum hjá Skotfélagi Kópavogs í Digranesi. Nánar um úrslit hérna og nokkrar myndir hérna.

16.feb.2007 Á alþjóðlegu móti í loftriffli í lok janúar jafnaði Sonja Pfeilschifter frá Þýskalandi heimsmetið með fullu húsi stiga, 400 ! eða tía í 40 skotum í röð!

15.feb.2007 Um helgina verð tvö landsmót á dagskrá, á laugardaginn er það Loftskammbyssa og Loftriffil í Digranesi og á sunnudaginn verður keppt í 60sk liggjandi, enskum riffli, í Egilshöllinni. Bæði mótin hefjast kl.10 og eru allir hvattir til að kíkja inn og fylgjast með.

7.feb.2007 Landsmót í Frjálsri Skammbyssu fíor fram í Egilshöllinni í gær. Úrslit eru hérna og nokkrar myndir hér.

27.jan.2007 Þá er lokið Landsmótinu í Staðlaðri skammbyssu og eru úrslitin hér. Læt einnig fylgja með myndir frá síðasta móti hérna en ekki hafa borist myndir af mótinu í dag.

26.jan.2007 Skotþing 2007 verður haldið í Íþróttamiðstöðinni í Laugardal laugardaginn 31.mars n.k. og hefst það kl.12:00

26.jan.2007 Á morgun fer fram landsmót í Staðlaðri skammbyssu í Digranesi. Mótið hefst kl.10:00 og birtum við fréttir um leið og þær berast.

20.jan.2007 Landsmót í loftbyssugreinunum fór fram í Digranesi í dag. Úrslit eru hérna og myndir hérna.

20.jan.2007 Mótaskrá STÍ í Skeet haglabyssu er tilbúin og má skoða hana hérna.

13.jan.2007 Landsmót í 60sk liggjandi riffli fór fram í Kópavogi í dag. Úrslit eru hérna og myndir hér.

9.jan.2007 Nú geta félögin nálgast óútfyllt mótaúrslitaskráningarform hérna.

8.jan.2007 Þá er nýtt keppnisár hafið og spennandi tímar framundan hjá skotmönnum landsins. Evrópumót í loftsbyssugreinunum er í Frakklandi í mars og vonumst við til að eiga þar fulltrúa. Smáþjóðaleikarnir verða í Mónakó í byrjun Júní en þar verður aðeins keppt í loftbyssugreinum að þessu sinni, Evrópumeistaramót í öllum greinum nema lofti á Spáni í júli, heimsmeitaramót á Kýpur í haglabyssu Skeet í september. Innanlands verður SÍH Open væntanlega um mánaðamótin júní-júlí með erlendum gestum, SKotfélag Reykjavíkur opnar loksins skotvelli sína á Álfsnesi eftir 7 ára vallarleysi !, og svo verður Landsmót UMFÍ haldið í kópavogi og verður þar keppt í Haglabyssu-Skeet, Loftskammbyssu, Enskum riffli 60sk liggjandi og Staðlaðri Skammbyssu (skv.síðustu upplýsingum) Mótaskrá sumarsins er á lokastigum og verður vonandi kynnt innan skamms. Í smíðum er kynningarbók um skotfimi á Íslandi sem verður gefin út síðar á árinu og eins verður gefið út frekara kynningarefni sem nýtast mun öllum aðildarfélögum STÍ

28.des.2006 Á hófi ÍSÍ og samtaka íþróttafréttamanna sem haldið var í kvöld, var tilkynnt um val STÍ á íþróttamönnum ársins úr röðum skotmanna.

Í karlaflokki hefur orðið fyrir valinu Sigurþór Jóhannesson, haglabyssuskytta úr Skotíþróttafélagi Hafnarfjarðar.

Sigurþór varð Bikarmeistari Skotsambandsins á árinu en þann titil hlýtur sá sem bestum árangri nær á mótum ársins hér innanlands. Hann náði í tvígang meistaraflokksárangri á árinu en það jafngildir Ólympíulágmarki í hans grein. Hann er landsliðshópi Íslands sem keppti á árinu á heimsbikarmóti í Þýskalandi. Hápunkti tímabilsins náði hann á stórmóti á Bisley í Englandi þar sem hann vann til bronsverðlauna og náði jafnframt meistaraflokksárangri.

Í kvennaflokki varð fyrir valinu Jórunn Harðardóttir úr Skotfélagi Reykjavíkur, en hún er jafnvíg í skotfimi með loftriffli sem og loftskammbyssu sem er afar sjaldgæft að skotmenn hafi. Hún vann til allra þeirra verðlauna sem í boði voru hérlendis í hennar greinum, varð Íslandsmeistari í loftriffli sem og í loftskammbyssu. Þess má einnig geta að á árinu varð hún móðir af sínu fyrsta barni en stundaði samt sem áður æfingar af krafti, sem efalaust munu skila henni árangri á næstu misserum.

9.des.2006 Landsmótinu í dag er lokið og eru úrslitin hérna.

4.des.2006 Um næstu helgi eru Landsmót í loftbyssugreinunum í Egilshöllinni í Reykjavík. Skráningu lýkur annað kvöld.

26.nóv.2006 Úrslit í Staðlaðri skammbyssu eru hérna.

25.nóv.2006 Þá er lokið keppni í 60sk liggjandi(enska rifflinum) og eru úrslitin hérna. Einnig má sjá nokkrar myndir frá mótinu hérna.

25.nóv.2006 Um helgina eru tvö landsmót, í Egilshöll í dag kl.10 í 60sk liggjandi riffli og á morgun í Digranesi í Staðlaðri skammbyssu. Úrslit verða birt hér um leið og þau berast.

24.nóv.2006 Stjórn STÍ vill minna aðildarfélögin á að undirstaða rekstrar áhugamáls okkar er starfsemi www.lotto.is og www.ix2.is en án þeirra værum við ekki þar sem við erum stödd í dag. Áríðandi er því að ÖLL aðildarfélög STÍ tali fyrir skynsamlegri þátttöku allra í þessum fjáröflunum íþróttahreyfingarinnar í landinu. Hvetjum við félögin til að setja upp tengla á heimasíðum sínum, sem vísa á lottó og 1x2. Afrita má lógóin sem eru hér til vinstri á síðunni eða hafa samband við okkur og þá fáið þið þau send um hæl. Eins hvetjum við félögin til að nota þessi lógó sem víðast t.d. á bréfsefni,mótaskrám og öðrum gögnum sem félögin gefa út.

18.nóv.2006 Landsmót í loftbyssugreinunum fóru fram í Egilshöllinni í Reykjavík í dag. Úrslit eru hérna.

24.okt.2006 Stjórn STÍ hefur tilkynnt til ÍSÍ að sambandið stefni að því að senda 2 bestu skotmennina í loftskammbyssu og loftriffli, bæði í karla og kvenna flokki, á Smáþjóðaleikana sem haldnir verða í Mónakó í júní á næsta ári.

21.okt.2006 Fyrstu landsmótin á tímabilinu fóru fram í dag. Úrslitin eru hérna.

12.okt.2006 Mótaskrá innigreina var samþykkt í stjórn STÍ í gær.

17.sep.2006 Nýjar reglur um Nordisk Trap og Running Target með stórum rifflum, voru samþykktar á aðalfundi Norðurlandasambands Skotsambanda í Kaupmannahöfn 10.sept. s.l. Þær eru á ensku og má nálgast þær hérna á síðunni.

10.sep.2006 Ásgeir Sigurgeirsson lenti í 4.sæti á Norðurlandamótinu í Kaupmannahöfn, á 553 stigum. Hann gat þó ekki tekið þátt í úrslitum "final" þar sem hann var gestur á mótinu þar sem að hann var kominn rétt yfir aldurstakmörk. Skorið er afturámóti mjög fínt og lofar góðu fyrir framtíðina hjá Ásgeiri sem er á 21.aldursári.

10.sep.2006 Aðalfundur NSR var haldinn í dag og voru þar m.a. samþykktar nýjar reglur um Nordisk Trap og 100mtr Running Target með stórum rifflum alltað 8mm. Einnig var gengið frá því að næsta NM unglinga verður haldið í Svíþjóð á árinu 2008 en nákvæmari tímasetning liggur ekki fyrir. Nýr formaður NSR er Kerstin Bodin, formaður sænska skotsambandsins.

9.sep.2006 Ásgeir fór á æfingu í morgun og prófaði í fyrsta skipti að skjóta á elektrónísk skotmörk, Megalink, sem nú eru ávallt notaðar á mótum í Evrópu. Ljóst er að koma þarf upp þannig brautum hjá stærstu félögunum á Íslandi, svo keppendur okkar venjist þeim og standi jafnfætis nágrönnum okkar að því leitinu. Slíkar brautir má nota á 10 metra, 25 metra og 50 metra færin. Einnig er hægt að fá búnað sem nýtist líka á 300 metra færið !

8.sep.2006 Norðurlandamót unglinga er nú hafið í Kaupmannahöfn. Við eigum þar einn keppanda, Ásgeir Sigurgeirsson frá Skotfélagi Reykjavíkur, í Loftskammbyssu. Ásgeir keppir í sinni grein á sunnudaginn, 10.sept. kl.13:00. Heimasíða mótsins er hérna.

8.sep.2006 Aðalfundur NSR, Norðurlandasambands Skotsambanda, verður haldinn í Kaupmannahöfn á sunnudaginn. Þar verða m.a. lagðar fyrir samböndin lokatillögur um samræmdar reglur Norðurlandanna í tveimur greinum, annars vegar í "Nordisk Trap" sem er haglabyssugrein sem tekin var inní STÍ á síðasta Skotþingi og hins vegar 100 metra Running Target með stórum rifflum allt að 8mm. STÍ stefnir að því að leggja til við næsta Skotþing að taka þá grein inn sem keppnisgrein.

12.ág.2006 Opna Reykjavíkurmótinu sem er á mótaskrá STÍ og átti að halda hjá Skotfélagi Reykjavíkur um næstu helgi, hefur verið frestað um óákveðinn tíma, þar sem vellir félagsins eru ekki tilbúnir en mótið verður haldið um leið og þeir verða klárir, vonandi á næstu vikum. Hægt er að fylgjast með framvindu mála á heimasíðu Skotfélagsins.

12.ág.2006 Heildarárangur tímabilsins er orðinn ljós og er hérna tafla sem sýnir árangur ársins hjá skotmönnum í skeet, bæði skor sem og flokkastaða.

12.ág.2006 Sigurþór Jóhannesson sigraði á mótinu í dag og varð þar með Bikarmeistari STÍ annað árið í röð. Úrslitin réðust þó ekki fyrr en í úrslitahringnum. Úrslit mótsins eru hérna og eins eru komnar ljósmyndir frá mótinu hérna. Lokastaðan í Bikarslagnum er einnig birt.

10.ág.2006 Riðlaskipting á Bikarmóti er komin hérna. Úrslitin eru kl.17:15

8.ág.2006 Staðan til Bikarmeistara í skeet er afar tvísýn en hún er tilbúin hérna en úrslitin ráðast svo á laugardaginn.

4.ág.2006 Bikarmótið í skeet sem halda átti á nýjum völlum Skotfélags Reykjavíkur hefur verið flutt til Þorlákshafnar en félagið hefur leigt þar aðstöðu SFS og heldur mótið laugardaginn 12.ágúst og skráningar þurfa því eftir sem áður að berast á sr@sr.is

23.júl.2006 Íslandsmótinu er nú lokið og varð Örn Valdimarsson úr Skotíþróttafélagi Hafnarfjarðar Íslandsmeistari. Mótaúrslit eru á mótasíðunni og eins eru komnar ljósmyndir frá úrslitunum.

22.júl.2006 Þá er fyrri degi á Íslandsmótinu í Skeet-haglabyssu lokið en mótið fer fram á völlum Skotíþróttafélags Suðurlands rétt utan við Þorlákshöfn. Staðan er afar tvísýn og margir gætu náð titlinum. Söðuna má sjá með því að smella hérna en Örn Valdimarsson úr SÍH er fyrstur á 69 dúfum, Sigurþór Jóhannesson úr SÍH er annar á 68 dúfum og Hilmar Árnason úr SR þriðji með 67. Keppnin heldur áfram í fyrramálið og lýkur með "Final" úrslitum kl.13:30

9.júl.2006 Þá liggja úrslit fyrir í mótinu á Blöndusósi. Sigurþór Jóhannesson úr SÍH sigraði Hákon Þ. Svavarsson úr SFS í úrslitum á 108+24 eða alls 132 stig en Hákon var á sama skori inn í úrslit en náði aðeins að brjóta 22 dúfur í úrslitum. Nánar um úrslit á úrsitasíðunni.

4.júl.2006 Um næstu helgi verður haldið Landsmót STÍ í skeet á Blönduósi í fyrsta skipti í mörg ár.

29.jún.2006 Opið mót í haglabyssugreininni SKEET verður haldið hjá Skotíþróttafélagi Hafnarfjarðar um helgina. Nokkrir erlendir keppendur taka þátt en nánari upplýsingar um mótið er hægt að nálgast á heimasíðu félagsins: www.sih.is eins verða úrslit mótsins á úrslitasíðu STÍ

24.jún.2006 Úrslit landsmótsins á Akureyri eru komin á úrslitasíðuna.

22.jún.2006 Tímatafla og riðlskipting fyrir landsmótið á laugardaginn er tilbúin hjá Skotfélagi Akureyrar hérna.

11.jún.2006 Bergþór Pálsson frá MAV á Blönduósi sigraði á Landsmóti STÍ sem haldið var í Þorlákshöfn um helgina. Úrslitin eru hérna

9.jún.2006 Þá hafa okkar menn lokið keppni í Suhl, Örn skaut 20 í síðasta og alls því 108, Gunnar skaut 18 og alls 106 og Sigurþór endaði á 20 og alls 104 dúfum.

9.jún.2006 Fyrsti hringur búinn í Suhl, Örn og Sigurþór á 24 og Gunnar á 23.

8.jún.2006 Tímataflan fyrir landsmótið á laugardaginn er hérna.

8.jún.2006 Í dag skjóta strákarnir einn hring í Suhl. Skorið verður birt hérna.

7.jún.2006 Þá eru fyrstu tveir hringirnir búnir hjá þeim í Suhl, Örn með 21+19, Sigurþór með 23+20 og Gunnar með 23+21. Á morgun skjóta þeir einn hring.

7.jún.2006 17 keppendur eru skráðir á Landsmótið í Skeet í Þorlákshöfn um næstu helgi.

7.jún.2006 Strákarnir eru núna búnir að skjóta fyrsta hring í Þýskalandi, Gunnar og Sigurþór eru á 23 og Örn er á 21.

6.jún.2006 Landsliðið okkar í skeet er komið til Suhl í Þýskalandi. Í dag er opinber æfingadagur hjá þeim en keppnin hefst svo á morgun en þá verða skotnar 50 skífur. Á fimmtudaginn eru skotnar 25 og svo lýkur keppninni á föstudaginn með 50 skífum. Að því loknu eru svo úrslit 6 efstu manna.

6.jún.2006 Minnum aðildarfélögin á að skráningarfrestur á landsmótið á laugardaginn í Þorlákshöfn rennur út í kvöld.

1.jún.2006 Landslið okkar í Skeet er að fara núna á mánudaginn út til Þýskalands til keppni á World Cup í Suhl. Nánari upplýsingar um mótið eru hérna. Liðið er skipað Erni Valdimarssyni og Sigurþór Jóhannessyni úr SÍH og Gunnari Gunnarssyni úr SFS. Fararstjóri er Halldór Axelsson varaformaður STÍ. Við munum birta hér framgang okkar manna jafnóðum og fréttir berast.

1.jún.2006 Landsmót í Skeet sem halda átti hjá SK í Keflavík 10.júní 2006 hefur, af óviðráðanlegum orsökum, verið flutt til Þorlákshafnar og verður haldið þar sama dag. Skráningar skulu því berast Skotíþróttafélagi Suðurlands sem tekur að sér mótahaldið.

21.maí.2006 Sigurþór Jóhannesson úr SÍH sigraði á landsmótinu í gær en Bergþór Pálsson úr MAV á Blönduósi varð í örðu sæti. Úrslitin eru hérna.

20.maí.2006 Í dag fer fram Landsmót í Skeet-haglabyssu á skotvelli SFS í Þorlákshöfn.

20.maí.2006 Myndir frá mótinu um síðustu helgi eru komnar á síðuna. Veljið MYNDIR hér til vinstri.

16.maí.2006 Skráningarfresti á Landsmótið um næstu helgi hjá SFS í Þorlákshöfn lýkur í kvöld.

14.maí.2006 Fyrsta Landsmótinu er nú lokið með sigri Hákons Þ. Svavarssonar úr SFS. Nánari úrslit hérna. Á myndinni er lokadúfan brotin með stæl. Einnig eru frekari upplýsingar um mótið á heimasíðu SÍH, www.sih.is

13.maí.2006 Skotvopnasýning sem haldin er í íþróttahúsinu að Digranesi í Kópavogi heldur áfram á morgun milli kl.10 og 18. Þetta er sýning sem allt áhugafólk um skotfimi þarf að sjá. Á myndinni er Magnús Guðleifsson úr Skotfélagi Kópavogs en þeir sjá um sýninguna.

13.maí.2006 Nú stendur yfir fyrsta Landsmót STÍ á tímabilinu í skeet. Í dag voru skotnir þrír hringir, 75 dúfur, og er efsti maður með 72 stig af 75 mögulegum !!! Það er frábær árangur og ef fram fer sem horfir, þá sjáum við nýtt Íslandsmet á morgun. Þó er of snemmt að spá í úrslit því margt getur breyst. Tveir danskir skotmenn taka þátt í mótinu og eru skammt á eftir ásamt okkar bestu mönnum. Hvetjum alla til að kíkja nú á Iðavelli í Hafnarfirði á morgun, sunnudag og sjá úrslitin sem hefjast kl. 14:15 . Staðan er komin á heimasíðu SÍH hérna. Hérna er svo staðan ef menn standa sig að meðaltali einsog fyrri daginn.

2.maí.2006 Innigreinatímabilinu lauk í kvöld með Minnngarmótinu í Egilshöll. Úrslit eru hérna.

30.apr.2006 Síðasta innigreinamótið á mótaskrá STÍ verður haldið á þriðjudaginn, 2.maí, í Egilshöllinni en þar er keppt í loftbyssugreinunum, bæði loftriffli sem og loftskammbyssu. Mótið er minningarmót um Hans Pétur Christensen sem haldið er árlega af Skotfélagi Reykjavíkur og foreldrum Hans Péturs.

30.apr.2006 Íslandsmótið í 60sk liggjandi riffli (enskum) var haldið í gær og varð Guðmundur Helgi Christensen úr Skotfélagi Reykjavíkur Íslandsmeistari á 576 stigum, í öðru sæti varð Eyjólfur Óskarsson úr sama félagi á 575 stigum og í því þriðja varð Hafsteinn Pálsson úr Skotfélagi Kópavogs á 571 stigi. Nánar hérna.

30.apr.2006 Nýr forseti ÍSÍ var kjörinn á Íþróttaþingi í gær, Ólafur Rafnsson fyrrv.formaður KKÍ. Stjórn STÍ óskar nýjum formanni til hamingju með kjörið og væntir góðs samstarfs við hann. Ennfremur eru nýjir fulltrúar í framkvæmdastjórn ÍSÍ og væntum við jafnframt góðrar samvinnu við þá. Nánari fréttir af þinginu eru á heimasíðu ÍSÍ.

29.apr.2006 Fyrsta skeet mót sumarsins hefst núna kl.10 í Þorlákshöfn. Veðurguðirnir eru aðeins að láta vita af sér en menn láta það ekki á sig fá. Úrslit sex efstu manna hefjast kl.16:45 og ættu því úrslit að liggja fyrir laust eftir kl.17. Mótinu var aflýst vegna veðurs.

29.apr.2006 Nú stendur yfir Íþróttaþing ÍSÍ 2006 á Grand Hótel í Reykjavík. Kosning nýs forseta er á dagskrá kl.11 en Ellert Schram lætur nú af störfum eftir langt og farsælt starf. STÍ er með 5 fulltrúa á þinginu, sem lýkur um fimm leytið í dag.

24.apr.2006 Minnum aðildarfélög á að skráningarfresti á Landsmótið í Þorlákshöfn um næstu helgi lýkur annað kvöld en þá verða skráningar að hafa borist á mótshaldara, SFS og STÍ. Reglur um skráningar á STÍ-mót eru hérna

23.apr.2006 Sigurþór Jóhannsson úr SÍH var að ljúka keppni á Grand Prix mótinu á Bisley í Englandi og náði þar einum besta árangri Íslendings í skeet á alþjóðavettvangi til margra ára. Hann hafnaði í 3.sæti eftir að hafa komist síðastur inní úrslit sem 6 komast í. Skorið var einnig afar gott eða 24-23-22 fyrri daginn og 22-24 seinni daginn og alls 115 stig. Í úrslitum hitti hann svo allar dúfurnar 25 og endaði þar með á 140 stigum sem er nýtt Íslandsmet !!! Nánar um úrslit hér !!

22.apr.2006 Þrjú Íslandsmet voru bætt á Íslandsmótinu í Loftbyssugreinunum sem haldið var í dag. Guðmundur Helgi Christensen úr Skotfélagi Reykjavíkur setti met í Loftriffli bæði með og án úrslita, 566 stig og 657,9 með final. Kona hans, Jórunn Harðardóttir úr sama félagi setti met í samanlögðu í Loftriffli, 454,3 en gamla metið var 441,3 stig. Hannes Tómasson varð Íslandsmeistari í loftskammbyssu í karlaflokki, Ásgeir Sigurgeirsson í unglingaflokki, Jórunn Harðardóttir í kvennaflokki og sveit Skotfélags Reykjavíkur með þá Hannes Tómasson, Guðmund Kr. Gíslason og Gunnar Þ. Hallbergsson innanborðs sigraði lið lögreglunnar naumlega. Úrslit mótsins eru hér á pdf formi. Einnig fengum við myndir frá mótinu til birtingar og má nálgast þær hérna.

22.apr.2006 Íslandsmót í Loftskammbyssu og Loftriffli eru að hefjast í dag kl.10 í Egilshöllinni. Úrslit (final) byrja kl.14:10. Yfirdómari er Axel Sölvason og aðstoðardómari er Jóhannes Christensen, okkar reyndustu menn í dómgæslunni.

22.apr.2006 Í dag og á morgun fer fram alþjóðlegt Grand Prix mót í skeet-haglabyssu á Bisley vellinum í Englandi. Nánar má fylgjast með úrslitum hér.

22.apr.2006 Fyrsta Landsmót sumarsins í Skeet fer fram í Þorlákshöfn hjá SFS, á laugardaginn kemur. Skráningar þurfa að berast í síðasta lagi þriðjudaginn 25.apríl n.k.

22.apr.2006 Laugardaginn 29.apríl n.k. verður Íslandsmótið í enskum riffli (60sk liggjandi) haldið í Digranesi í Kópavogi. Skráningarfrestur er til þriðjudagskvölds 25.apríl.

22.apr.2006 Íþróttaþing ÍSÍ fer fram um næstu helgi á Grand Hótel í Reykjavík. STÍ er þar með 5 fulltrúa. Helsta mál þingsins er kjör nýs forseta þess en Ellet B. Schram lætur nú af störfum eftir farsælan feril. Í kjöri til forseta eru þau Sigríður Jónsdóttir, varaforseti ÍSÍ og Ólafur Rafnsson, formaður KKÍ.

12.apr.2006 Íslandsmót í Loftskammbyssu og Loftriffli verður haldið í Egilshöll laugardaginn 22.apríl n.k. Minnum félög á að síðasti skráningardagur er þriðjudaginn 18.apríl.

12.apr.2006 Bikarmóti í Staðlaðri skammbyssu sem halda átti í Kópavogi sunnudaginn 23.apríl n.k. hefur verið aflýst af óviðráðanlegum orsökum !

8.apr.2006 Þá er skotþingi lokið og ný stjórn tekin við. Steinar Einarsson var einróma kjörinn formaður, Guðmundur Kr Gíslason og Jóhann Norðfjörð voru endurkjörnir í stjórn til tveggja ára ásamt Jóni S. Ólasyni sem tekur sæti varamanns. Áfram sitja Halldór Axelsson og Kjartan Friðriksson. Sigríður Jónsdóttir, varaforseti ÍSÍ ávarpaði þingheim og talaði vel um skotíþróttir og skilning ÍSÍ á sérstöðu okkar. Ásgeiri Sigurgeirssyni var veitt viðurkenningarskjal fyrir Íslandsmet sem hann setti í fyrra í unglingaflokki. Einn okkar ágætu félaga til margra áratuga, Axel Sölvason, var þingforseti og stýrði þinginu með sóma. Á hann þakkir skyldar fyrir óeigingjart starf í þágu skotíþrótta undafarna áratugi. Nánari fréttir af þinginu verða svo birtar í Þinggerðinni sem verður birt hér á síðunni innan skamms.

8.apr.2006 Skotþing hefst í dag kl.14 í Íþróttamiðstöðinni í Laugardal. Ekki er búist við miklum átökum en þó verður kosið um nýjan formann sambandsins en Jón S. Ólason sem gegnt hefur því embætti meira og minna undanfarin áratug, hefur látið af störfum og hyggst snúa sér að þjálfun skotmanna. Steinar Einarsson varaformaður sambandsins tók við stöðu sem formaður í febrúar s.l. og hyggst hann bjóða fram krafta sína til eins árs.

3.apr.2006 Þá eru öll úrslit uppfærð til skoðunar á pdf sniði

2.apr.2006 Metaskráin er komin í lag.

2.apr.2006 Á laugardaginn kemur, 8.apríl verður Skotþing haldið í Íþróttamiðstöðinni í Laugardal og hefst það kl.14

2.apr.2006 Guðmundur Helgi Christensen úr SR, setti í gær nýtt glæsilegt Íslandsmet í Þríþraut með riffli, 1096 stig

1.apr.2006 Fyrsta dómaranámskeið STÍ var haldið í dag en Ívar Erlendsson, alþjóðlegur dómari STÍ sá um kennsluna. Að loknu námskeiðinu tóku þátttakendur próf í námsefninu og verða að því loknu metnir til landsdómararéttinda og eins héraðsdómararéttinda. Þessi réttindi verða svo sett sem skilyrði til þess að félög geti sótt um landsmót og því nauðsynlegt að á hverju landsmóti verði a.m.k. einn landsdómari með réttindi til dóngæslu. Félög sem ekki hafa yfir að ráða löglegum STÍ dómara verða að leita út fyrir félagið og semja við dómara með réttindi til að dæma á þeirra mótum svo þau verði lögleg landsmót.

1.apr.2006 Loksins er síðan komin í lag að nýju eftir alvarlega innvortis bilun.

7.des.2005 Loftbyssumót var í Egilshöllinni í gær og svo er fribyssan framundan þann 13.des. á sama stað.

3.des.2005 Félagi okkar frá Kýpur, Antonis Nicolaides sigraði á úrslitamóti ISSF í skeet í Dubai ! Nánar hérna

26.nóv.2005 Þá eru mótin farin að rúlla og var keppt í 60sk liggjandi í dag. úrslit hér.

22.nóv.2005 Fyrsta mót vetrarins var haldið í Egilshöllinni á laugardaginn. Úrslit hér

3.okt.2005 Þá er mótaskráin tilbúin og hægt að nálgast hana hérna.

27.sep 2005 Mótaskrá innigreina hefur verið í undirbúningi undanfarnar vikur og verður hú nlögð fyrir stjórn STÍ á næsta fundi til samþykktar. Gerir hún ráð fyrir að fyrstu mót verði haldin laugardaginn 19.nóvember í Egilshöllinni og þá í loftbyssugreinunum. Í heildina verða haldin 28 mót á vegum STÍ. Mótaskráin verður birt innan örfárra daga.

6.sep 2005 Landsmóti sem halda átti þann 10.september n.k. hefur verið aflýst. Ástæðan er aðallega að skotvellir í Reykjavík eru ekki tilbúnir, en þar átti mótið að fara fram. Einnig barst einungis ein skráning á mótið, og ljóst er að ekki eru haldin mót með einum keppanda.

14.ágú 2005 Sigurþór Jóhannesson úr Skotíþróttafélagi Hafnarfjarðar varð í dag Bikarmeistari Skotíþróttasambandsins skeet (haglabyssu) á Bikarmótinu á Akureyri. Nánari úrslit á úrslitasíðunni.

31.júlí 2005 Staðan til Bikarmeistara í Skeet liggur nú fyrir. Keppnin í ár er afar tvísýn og geta 6 efstu ennþá gert tilkall til titilsins. Reglurnar eru þær að gefin eru 15 stig fyrir sigur í hverju móti, 14 fyrir annað sætið, 13 fyrir þriðja og svo koll af kolli. 3 bestu mót keppenda gilda svo að viðbættu Bikarmótinu sjálfu sem nú fer fram á Akureyri helgina 13.-14.ágúst n.k. Árangur keppenda á því móti vegur þungt því það mót gildir ef keppendur verða jafnir að stigum að því loknu. Staðan er nánar hér.

31.júlí 2005 Besta meðalskorinu á tímabilinu hefur Íslandsmeistarinn okkar, Gunnar Gunnarsson, náð eða 110,8 stig að meðaltali. Annar er síðan Örn Valdimarsson, með 109,2 stig og þriðji er Sigurþór Jóhannesson með 106,5 stig. Heildarlistinn er hérna.

24.júlí 2005 Íslandsmót STÍ í skeet-haglabyssu fór fram í Hafnarfirði um helgina. Íslandsmeistari karla varð Gunnar Gunnarsson úr Skotíþróttafélagi Suðurlands. Nánari umfjöllun um mótið er að finna á www.sih.is og www.sr.is . Úrslit mótsins er að finna á úrslitasíðunni.

2.júlí 2005 Afmælismót SÍH í skeet hófst í morgun. Mótið er haldið í tilefni af 40 ára afmælis félagsins. Úrslit þess hefjast kl.15:30 á morgun.

24.jún.2005 Nokkrir íslenskir keppendur tóku þátt í KFK Grand PRix móti í Skeet í Danmörku um síðustu helgi. Úrslit hér

11.jún.2005 Hákon Þ. Svavarsson sigraði á landsmótinu á Akureyri í dag, í öðru sæti varð Gunnar Gunnarsson og í því þriðja Ævar L. Sveinsson. Nánari upplýsingar á úrslitasíðunni.

10.júní 2005 Úrslitakeppnin hefst kl. 19:00 á morgun en þá keppa sex efstu keppendurnir eftir undankeppnina fyrr um daginn, sem stendur yfir frá því kl. 10:00 um morguninn.

10.júní 2005 Nú liggur riðlaskipting fyrir á Landsmótinu á Akureyri. Skráðir keppendur eru 19 talsins. Nánar á www.skotak.is

8.júní 2005 Landsmót í Skeet verður haldið á Akureyri á laugardaginn kemur.

2.júní 2005 Þá er síðan okkar loksins komin í lag að nýju. Bilun varð í servernum hjá ÍSÍ, þar sem sti.is er geymd. Einnig hurfu af netinu heimasíður ÍSÍ, ÍBR og ýmissa fleiri samtaka sem nýta sér hýsingu á sama stað. Vonandi kemur þetta ekki fyrir aftur. Helstu fréttir frá Andorra eru á sér síðu.

27.maí 2005 Brottför til Andorra er á Sunnudaginn. Við munum birta fréttir af framgangi Íslendinganna jafnharðan og fréttir berast á Andorra síðunni

9. maí 2005 Valið hefur verið í þann hóp sem fer fyrir hönd Íslendinga til keppni í skotfimi á smáþjóðaleikunum í Andorra í júnibyrjun. Í skeet: Örn Valdimarsson og Gunnar Gunnarsson Í loftriffli: Guðmundur Helgi Christensen Í loftskammbyssu: Ásgeir Sigurgeirsson og Hannes Tómasson

10.apríl 2005 Áður auglýstu Skotþingi 2005, sem halda átti 16.apríl, hefur verið frestað og verður í staðinn haldið í Íþróttamiðstöðinni Laugardal, sal E, laugardaginn 21.maí og hefst kl 12:00.

14. apríl 2005 Stjórn STÍ hefur úrskurðað að á Íslandsmótinu í Sportskammbyssu 2005 voru þrír keppendur Skotfélags Reykjavíkur skráðir of seint til leiks og eru því skráðir sem gestir á Íslandsmótinu. Færast því aðrir keppendur upp um sæti sem því nemur. Mótshaldari, Skotfélag Kópavogs, mun hafa samband við þá keppendur sem færðust uppí verðlaunasæti og ákveða stund og stað til verðlaunaafhendingar til þeirra.

17.apríl 2005 Í ljósi þess að Íslandsmóti í Staðlaðri skammbyssu var aflýst, þá hefur Bikarmótið í sömu grein , sem halda átti 26.apríl 2005, engan tilgang lengur og hefur því stjórn STÍ ákveðið að aflýsa því einnig.

7. apríl 2005 Vegna ónógrar þátttöku á Íslandsmót í Staðlaðri Skammbyssu sem halda átti laugardaginn 9.apríl 2005 hefur STÍ og mótshaldari ákveðið að aflýsa mótinu.

9.mar 2005 Sú breyting hefur orðið á mótaskrá að Íslandsmótið í Þríþraut verður sunnudaginn 17.apríl 2005 !!

3. mar 2005. Úrslit í flokkamóti loftskammbyssu og loftriffli komin ( hér )

10. feb 2005 Landsliðseinvaldar! Stjórn STI hefur falið Halldóri Axelssyni að sjá um að undirbúa og velja keppendur í haglabyssu á smáþjóðaleikana og Jóni S. Ólasyni hið sama í loftgreinum.

21.feb 2005 Um val í landsliðið í skeet fyrir smáþjóðleika 2005. STÍ mun senda tvo keppendur í Skeet karla og mun úrtaka verða með eftrfarandi hætti: Mót STÍ dagana: 23.apr. 30. apr. og 7. mai, gilda til úrtöku fyrir leikana. Betra sæti úr öðru hvoru fyrri mótanna mun gilda til móts við árangur úr síðasta mótinu. Miðað verður við úrslit mótanna, sæti eftir final, þ.e. síðasta mótið gildir 50%. Ef tveir eða fleirri skotmenn eru jafnir að árangri samanlagt eftir mótið 7. mai verður skor eftir final látið gilda en ef skor er jafnt verður “ shoot of” strax að loknum final til ákvörðunar um val á keppendum. Ef af einhverjum ástæðum að keppandi sem nær sæti til keppni getur ekki keppt á leikunum, mun STÍ leita til þess sem er næstur að árangri. Halldór Axelsson.

26. jan2005 Mótaskrá í Skeet fyrir árið 2005 mótaskrá

21. jan 2005 agareglur STÍ hafa tekið gildi ( sjá Lög og reglur )

21. jan 2005 Afreksstefna STÍ 2005 komin á netið

21. jan 2005 Landsmóti í fríbyssu sem halda átti í Egilshöll 22 feb. aflýst. Aðeins einn keppandi skráði sig til keppni

28. okt 2004 Mótaskrá STÍ 2004 - 2005 í innigreinum hefur verið samþykkt. mótaskrá

Frétt frá skrifstofu STÍ:

Lokaskráningu á þátttakendafjölda á Smjáþjóðaleikana í Andorra er nú lokið.
Til leiks frá öllum aðildarþjóðunum í skotfimi eru skráðir 78 keppendur.
Þeir skiptast þannig eftir greinum:

Trap haglabyssa........... 15
Double Trap haglabyssa.... 13
Skeet haglabyssa.......... 11
Loftriffill............... 21
Loftskammbyssa............ 23

8. des. 04. Skotí.þróttaþing STÍ var haldið laugardaginn 4. des. sl.
Stjórn STÍ var endurkjörin. Stjórnina skipa: Jón S. Ólason ÍFL formaður, Guðmundur Kr. Gíslason SR gjaldkeri, Steinar Einarsson SFK varaformaður, Halldór Axelsson SR meðstjórnandi og Kjartan Friðriksson SR ritari. Varamenn eru: Jóhann Norðfjörð SFS og Páll Reynisson SFS. Nánar um þingið: þinggerð

28.nóv. 04. Breytingar á reglum frá ISSF í Skeet sem taka gildi 1. jánúar 2005 nánar.......

14. okt 04 Frétt frá skrifstofu STÍ
Breyting á reglum í SKEET sem taka gildi 1. janúar 2005. Þýðing á helstu breytingumum

3. okt 04. Frétt frá skrifstofu STÍ

Stjórn STÍ hefur ákveðið eina breytingu á flokkastaðlinum í SKEET. Breytingin er sú að 1.flokks árangur telst nú vera 105 stig en var áður 103 stig. Nú þarf skotmaður að skjóta að meðaltali 21 dúfu í 5 hringjum til að ná þessum árangri. Aðrir staðlar eru óbreyttir. Breyting þessi tekur gildi frá og með 1.október 2004, en árangur manna fyrir gildistöku stendur óbreyttur.
Flokkastaðlar STÍ

Smáþjóðaleikarnir verða haldnir næst í Andorra í byrjun Júní 2005. Keppt verður í Loftriffli karla og kvenna, Loftskammbyssu karla og kvenna, Skeet og eins Trap og Double Trap. STÍ mun stefna að því að manna þær greinar sem stundaðar eru hér heima en settar verða kröfur um lágmarksárangur þeirra sem koma til greina sem keppendur fyrir Íslands hönd. Keppnistímabilið í Loftbyssugreinunum er að hefjast í næsta mánuði og árangur þar notaður til vals í landslið en keppnistímabilinu í Skeet er nýlokið og því er ljóst að sett verða upp úrtökumót til að leggja til grundvallar við val í landslið. Þau mót verða haldin á vordögum en STÍ þarf að tilkynna nöfn keppenda í síðsta lagi 9.maí 2005. Heimasíða leikanna hefur verið opnuð og slóðin þessi: http://www.andorra2005.ad/ca/

Frétt 14. janúar 2004 Nýr lyfjalisti ÍSÍ hefur tekið gildi. Skotíþróttafólk er hvatt til að kynna sér breytingarnar á listanum. Lyfjalisti ÍSÍ

Frétt 14. janúar 2004 Landsmóti í Loftbyssu, sem halda átti 17. jan. nk., hefur verið frestað um óákveðin tíma.

Frétt 8. nóvember 2003 Skotþing STÍ var haldið í dag 8 nóv. 2003, í Íþróttamiðstöðinni í Laugardal. Ellert B. Schram, forseti Íþrótta- og Ólympíusambands Íslands, ávarpaði þingið og Kvað hann m.a. það eftirtektavert hversu vel var mætt á skotþingið. Á þinginu var Jón S. Ólason endurkjörinn formaður STÍ, nokkrar breytingar á lögum sambandsins voru samþykktar og tveir nýjir menn voru kjörnir í stjórnina, þeir Kjartan Friðriksson og Halldór Axelsson í stað þeirra Arnfinns Jónssonar og Eiríkíks Ó. Jónssonar, sem gáfu ekki kost á sér til áframhaldandi stjórnarstarfa. Fram kom í skýrslu stjórnar og skýrslu gjaldkera m.a. að tekist hefur að greiða að mestu skuldir sambandsins og að margvísleg verkefni eru framundan hjá STÍ.
Hér að neðan eru nokkrar myndir frá þinginu, m.a. nýkjörin stjórn STÍ: ( fyrsta mynd frá vinstri ) Halldór Axelsson, Jón S. Ólason, Steinar Einarsson, Guðmundur Kr. Gíslason og Kjartan Friðriksson. Nánar skýrsla stjórnar og fundargerð.

FRÉTT 20.júní 2003
Skotfélag Grundarfjarðar og nágrennis, SKOTGRUND, hefur fengið fulla aðild að Skotíþróttasambandi Íslands og ÍSÍ. Stjórn STÍ bíður þetta nýja aðildarfélag velkomið í hreyfinguna og vonast til að sjá félagsmenn þess á mótum á næstunni. Félagið er með heimasíðu þar sem má fá nánari upplýsingar um félagið og starfsemi þess.